- Чабакъгъа акъыл, табагъа тюшсе келеди.
- Тил – миллетни джаны.
- Телиге акъыл салгъандан эсе, ёлгеннге джан салырса.
- Ашхы тенг джолгъа салыр, аман тенг джолдан тайдырыр.
- Джарлыны эшигин махтагъан джабар.
- Джигер – джаннга къыйынлыкъ.
- Юре билмеген ит, къонакъ келтирир.
- Харам къарнашдан, халал тенг ашхы.
- Сакъ юйюне сау барыр.
- Къозулугъунда тоймагъан, къойлугъунда тоймаз.
- Джахил болса анасы, не билликди баласы?
- Эллинг бла джау болсанг да, юйюнг бла джау болма.
- Алтыда кюлмеген, алтмышда кюлмез.
- Къыйынлы джети элге оноу этер.
- Телиге от эт десенг, юйюнге от салыр.
- Артына баргъанны, къатына барма.
- Адам сёзюнден белгили.
- Эринчекни аурууу – кёб.
- Игини сыйлагъан адетди.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Джарлы эскисин джамаса, къууаныр.
- Адамны сабийин сюйген джюреги, бычакъча, джитиди.
- Джангыз терек къынгыр ёсер.
- Акъылсызны джууукъгъа алма, акъыллыны кенгнге салма.
- Ханы къызы буюгъа-буюгъа киштик болду.
- Бет бетге къараса, бет да джерге къарар.
- Къартны сыйын кёрмеген, къартлыгъында сыйлы болмаз.
- Мураты болгъанны джюрек тебюую башхады.
- Кюн кёрмеген, кюн кёрсе, кюндюз чыракъ джандырыр.
- Ата джурт – алтын бешик.
- Аман эсирсе, юйюн ояр.
- Керти сёзге тёре джокъ.
- Башда акъыл болмаса, эки аякъгъа кюч джетер.
- Ач келгенни – тойдур, кеч келгенни – къондур.
- Кёзню ачылгъаны – иги, ауузну джабылгъаны – иги.
- Дуния мал дунияда къалады.
- Акъыллы – эл иеси, тели – эл баласы.
- Ашын ашагъанынгы, башын да сыйла.
- Джаханимни кёрмей, джандетге кёл салмазса.
- Ана къолу ачытмаз.
- Сибиртки да сыйлы болду, кюрек да кюнлю болду.
- Ауругъан – джашаудан умутчу.
- Окъуу – билимни ачхычы, окъуу – дунияны бачхычы.
- Кийимни бир кюнню аясанг, минг кюннге джарар.
- Билеги кючлю, бирни джыгъар, билими кючлю, мингни джыгъар.
- Джарлы джети элни сёзюн этер.
- Нарт сёз – тилни бети.
- Къонагъынгы артмагъын алма да, алгъышын ал.
- Эри аманны, къатыны – аман.
- Ауурну тюбю бла, дженгилни башы бла джюрюген.