- Ашлыкъны арба юйге келтирир, чана базаргъа элтир.
- Нафысынгы айтханын этме, намысынгы айтханын эт.
- Джарлы тюеге минсе да, ит къабар.
- Кюл тюбюндеги от кёрюнмейди.
- Чомартха хар кюн да байрамды.
- Сёлеш деб шай берген, тохта деб, сом берген.
- Кёб къычыргъандан – къоркъма, тынч олтургъандан – къоркъ.
- Къонакъ хазыр болгъанлыкъгъа, къонакъбай хазыр тюлдю.
- Тиширыусуз юй – отсуз от джагъа.
- Къар – келтирди, суу – элтди.
- Джюз элде джюз ёгюзюм болгъандан эсе, джюз джууугъум болсун.
- Къаллай салам берсенг, аллай джууаб алырса.
- Айныгъанлы алты кюн, тогъайгъанлы тогъуз кюн.
- Ётюрюкчюню шагъаты – къатында.
- Уясында не кёрсе, учханында аны этер.
- Элни кючю – эмеген.
- Ата Джуртун танымагъан, атасын да танымаз.
- Билими азны – ауузунда кирит.
- Этни бети бла шорпасы.
- Эл элде бирер малынг болгъандан эсе, бирер тенгинг болсун.
- Джаралыны джастыгъында сау ёлюр.
- Байдан умут эте, джарлыдан ёгюз багъасы къорады.
- Чабакъ башындан чирийди.
- Ауузу бла къуш тута айланады.
- Ач келгенни – тойдур, кеч келгенни – къондур.
- Къатын байлыкъны сюер, эр саулукъну сюер.
- Кёбге таш атма.
- Ишлегенде эринме, ишде чолакъ кёрюнме.
- Бети – къучакълар, джюреги – бычакълар.
- Байны оноуу, джарлыгъа джарамаз.
- Ашха уста, юйюнде болсун
- Окъуу – билимни ачхычы, окъуу – дунияны бачхычы.
- Зарда марда джокъ.
- Къазанны башы ачыкъ болса, итге уят керекди.
- Иги адам абынса да, джангылмаз.
- Эртде тургъан джылкъычыны эркек аты тай табар.
- Къобан да къуру да къобханлай турмайды, адам да къуру да патчахлай турмайды.
- Джеринден айырылгъан – джети джылар, джуртундан айырылгъан – ёлгюнчю джылар.
- Рысхысына кёре, джаш ёсер, къышлыгъына кёре, мал ёсер.
- Малны кют, джерни тюрт.
- Насыб бютеу халкъны юлюшюдю.
- Иги джашны ышаны – аз сёлешиб, кёб тынгылар.
- Окъугъанны бети джарыкъ.
- Къолунгдан къуймакъ ашатсанг да, атаны борчундан къутулмазса.
- Джангыз торгъай джырламаз.
- Таула не мийик болсала да, аууш табылыр.
- Таякъ этден ётер, тил сюекден ётер.
- Керти сёзге тёре джокъ.
- Дуния мал дунияда къалады.
- Танг атмайма десе да, кюн къоярыкъ тюйюлдю.