- Эллинг бла джау болсанг да, юйюнг бла джау болма.
- Асхат ашлыкъ сата, юйдегиси ачдан къата.
- Кёбге таш атма.
- Босагъа таш юйге кирмей эди, тыбыр таш эшикге чыкъмай эди.
- Келлик заман – къартлыкъ келтирир, кетген заман – джашлыкъ ёлтюрюр.
- Арпа, будай – ащды, алтын, кюмюш а – ташды.
- Агъач халкъгъа алтынды, иссиликге салкъынды.
- Халкъны джырын джырласанг, халкъ санга эжиу этер.
- Илму – джашауну джолу.
- Термилгенинги табмазса, кюлгенинге тюберсе.
- Байлыкъ тауусулур, билим тауусулмаз.
- Бек анасы джыламаз.
- Аман адам элни бир-бирине джау этер.
- Суу да къайтады чыкъгъан джерине.
- Иги болса, тамадама – махтау, аман болса, меннге – айыб.
- Намысы болмагъанны, сыйы болмаз.
- Ата – баланы уясы.
- Ачыкъ джюрекге джол – ачыкъ.
- Ачылгъан эт джабылыр, кёрген кёз унутмаз.
- Нафысынгы айтханын этме, намысынгы айтханын эт.
- Джауумдан сора, кюн кюйдюрюр, ётюрюкден сора, айыб кюйдюрюр.
- Адамны сабийин сюйген джюреги, бычакъча, джитиди.
- Джарлы эскисин джамаса, къууаныр.
- Биреуню къыйынлыгъы бла кесинге джол ишлеме.
- Кютгени беш эчки, сызгъыргъаны уа, джерни джарады.
- Эр сокъур болсун, къатын тилсиз болсун.
- Ач къалгъандан, кеч къалгъан къолай.
- Айыбны суу бла джууалмазса.
- Мухарны эси – ашарыкъда.
- Юй ишлеген балта эшикде къалыр.
- Бетинги сатма, малынгы сат.
- Атлыны ашхысы, ат тизгининден билинир
- Акъыллы башны – тили къысха.
- Сабийни джумушха джибер да, ызындан бар.
- Аллахдан тилесенг, кёб тиле.
- Ойнай билмеген, оюн бузар.
- Тели турса – той бузар.
- Кийимни бир кюнню аясанг, минг кюннге джарар.
- Ачыу алгъа келсе, акъыл артха къалады.
- Джылкъыдан – ат чыгъар, тукъумдан – джаш чыгъар.
- Хар ишни да аллы къыйынды.
- Тюкюрюк баш джармаз, налат кёз чыгъармаз!
- Суугъа – таянма, джаугъа – ийнанма.
- Миллетни бойну – базыкъ, аны бла кюрешген – джазыкъ.
- Иши джокъну, сыйы джокъ.
- Тойгъан джерге джети къайт.
- Бети бедерден, намыс сакълама.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Джолда аягъынга сакъ бол, ушакъда тилинге сакъ бол.
- Тура эдим джата, къайдан чыкъды хата?