- Къарт айтханны этмеген, къартаймаз.
- Ата Джуртун танымагъан, атасын да танымаз.
- Огъурлуну сёзю – суу, огъурсузну сёзю – уу.
- Тас болгъан бычакъны сабы – алтын.
- Ойнай билмеген, уруб къачар.
- Къолунгдан къуймакъ ашатсанг да, атаны борчундан къутулмазса.
- Сютден ауузу кюйген, суугъа юфгюре эди.
- Кёб къычыргъандан – къоркъма, тынч олтургъандан – къоркъ.
- Эм ашхы къайын ана мамукъ бла башынгы тешер.
- Урунуу – насыбны анасы.
- Къарны аманнга къазан такъдырма, къолу аманнга от джакъдырма.
- Тешигини къатында, чычхан да батыр болур.
- Ариу сёз – джаннга азыкъ, аман сёз – башха къазыкъ.
- Ишин билген, аны сыйын чыгъарады.
- Экеу тутушса, биреу джыгъылыр.
- Ариу сёз аурууунгу алыр.
- Джылар джаш, атасыны сакъалы бла ойнар.
- Аз айтсам, кёб ангылагъыз.
- Айтханы чапыракъдан ётмеген.
- Ач келгенни – тойдур, кеч келгенни – къондур.
- Кесинг сынамагъан затны, адамгъа буюрма.
- Татлы сёз – балдан татлы.
- «Ма», - дегенни билмесенг, «бер», - дегенни билмезсе.
- Юй ишлеген балта эшикде къалыр.
- Айранын берсенг, челегин да къызгъанма.
- Аман къатын алгъан, арыр, иги къатын алгъан джарыр.
- Чакъырылмагъан къонакъ къачан кетерин сормаз.
- Акъыл неден да кючлюдю.
- Баланы адам этген анады.
- Ёзденликни джайгъан – джокълукъ.
- Кирсизни – саны таза, халалны – къаны таза.
- Къан бла кирген, джан бла чыгъар.
- Алгъанда – джууукъ, бергенде – джау.
- Ач, тоймам, дейди, тойгъан, ач болмам, дейди.
- Джарлы эскисин джамаса, къууаныр.
- Аманнга алтын чыдамаз.
- Бети бедерден, намыс сакълама.
- Кесине оноу эте билмеген, халкъына да эте билмез.
- Сакъалы текени да бар, мыйыгъы киштикни да бар.
- Кесинге джетмегенни, кёб сёлешме.
- Адамны аманы адамны бети бла ойнар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Сёз садакъдан кючлюдю.
- Таукел къуру къалмаз.
- Кёзюнде тереги болгъан, чёбю болгъаннга кюле эди.
- Къая джолда джортма, ачыкъ сёзден къоркъма.
- Берекет берсин деген джерде, берекет болур.
- Накъырданы арты керти болур.
- Кёб ант этген, кёб ётюрюк айтыр.
- Тюзню ётмеги тюзде къалса да, тас болмаз.