- Тюз сёз баргъан сууну тыяр.
- Адам сёзюнден белгили.
- Чомартны къолун джокълукъ байлар.
- Аз сёлешген, къайгъысыз турур.
- Аууздан келген, къолдан келсе, ким да патчах болур эди.
- Тойгъа барсанг, тоюб бар, эски тонунгу къоюб бар.
- Айтхан – тынч, этген – къыйын.
- Аш берме да, къаш бер.
- Окъдан джара эртде-кеч болса да бителир, сёз джара, ёмюрге къалыр.
- Къарны аманнга къазан такъдырма, къолу аманнга от джакъдырма.
- Аякъларынгы джууургъанынга кёре узат.
- Уллу сёлешме да, уллу къаб.
- Чалманны аллы къалай башланса, арты да алай барады.
- Башы джабылгъан челекге, кир тюшмез.
- Ауурну тюбю бла, дженгилни башы бла джюрюген.
- Адам къаллай бир ишленмесе, аллай бир кесин уллу кёреди.
- Ариу сёз джыланны орнундан чыгъарыр.
- Бозаны арты дауур болур.
- Элге къуллукъ этмеген, элге ие болмаз.
- Байлыкъ тауусулур, билим тауусулмаз.
- Биреуню тёрюнден, кесинги эшик артынг игиди.
- Чомартха хар кюн да байрамды.
- Джолда аягъынга сакъ бол, ушакъда тилинге сакъ бол.
- Тил бла келеди джыр да.
- Дуния аламаты сен эсенг да, игиме деб айтма.
- Ач къарным, тынч къулагъым.
- Махтаннган къыз, тойда джукълар.
- Ач уят къоймаз.
- Джаханимни кёрмей, джандетге кёл салмазса.
- Къар – келтирди, суу – элтди.
- Кюлме джашха – келир башха.
- Бетинги сатма, малынгы сат.
- Байны къызы баймакъ болса да, юйде къалмаз!
- Азыгъы аз, алгъа къабар, аты аман, алгъа чабар.
- Айран ичген – къутулду, джугъусун джалагъан – тутулду.
- Бойнуму джети джерден кессенг да, мен ол ишни этеллик тюлме.
- Танг атмайма десе да, кюн къоярыкъ тюйюлдю.
- Джогъун бар этген, барын бал этген.
- Элни кючю – эмеген.
- Мухар, кеси тойса да, кёзю тоймаз.
- Айырылгъанланы айю ашар, бёлюннгенлени бёрю ашар.
- Байлыкъдан саулукъ ашхыды.
- Аш кетер да бет къалыр.
- Ашлыкъны арба юйге келтирир, чана базаргъа элтир.
- Кёпюр салгъан кеси ётер, уру къазгъан кеси кетер.
- Джеринден айырылгъан – джети джылар, джуртундан айырылгъан – ёлгюнчю джылар.
- Кёрмегеннге кебек – танг, битмегеннге сакъал – танг.
- Хата – гитчеден.
- Агъач халкъгъа алтынды, иссиликге салкъынды.
- Ауругъан – джашаудан умутчу.