- Керилген да, ургъан кибикди.
- Къартха ушагъан джаш – акъыллы, джашха ушагъан къарт – тели.
- Садакъачыны джаны – къапчыгъында.
- Акъыллы эркиши атын махтар, акъылсыз эркиши къатынын махтар.
- Ач къарным, тынч къулагъым.
- Аман къатын алгъан, арыр, иги къатын алгъан джарыр.
- Таукел адам тау тешер.
- Чыкълы кюнде чыкъмагъан, чыкъса къуру кирмеген.
- Билимден уллу байлыкъ джокъду.
- Итли къонакъ джарашмаз.
- Къаллай салам берсенг, аллай джууаб алырса.
- Ашаса, ашамаса да, бёрюню ауузу – къан.
- Джумушакъ терекни къурт ашар.
- Ат да турмайды бир териде.
- Эрине къаргъыш этген къатын, эрнин къабар.
- Ач да бол, токъ да бол – намысынга бек бол.
- Кесинг сынамагъан затны, адамгъа буюрма.
- Джол бла сёзню къыйыры джокъ.
- Джарлы тюеге минсе да, ит къабар.
- Таукел тауну аудурур.
- Чомарт къолда мал къалмаз.
- Шапа кёб болса, аш татымсыз болур.
- Мен да «сен», дейме, сен да «кесим», дейсе.
- Кёбге таш атма.
- Душманны тышы – акъ, ичи – къара.
- Ишни аллы бла къууанма да, арты бла къууан.
- Сормай – алма, чакъырылмай – барма.
- Суу кетер, таш къалыр.
- Баргъанынга кёре болур келгенинг.
- Бет бетге къараса, бет да джерге къарар.
- Чакъырылмагъан къонакъ – орунсуз.
- Къууут – джелге, берне – бошха.
- Айтылгъан буйрукъ, сёгюлмез
- Биреу къой излей, биреу той излей.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Къолу уллу – асыу, аягъы уллу – джарсыу.
- Аманны эки битли тону болур, бирин сеннге кийдирир, бирин кеси киер.
- Джарлы джети элни сёзюн этер.
- Сабийни джумушха джибер да, ызындан бар.
- Нарт сёз – тилни бети.
- Билим къая тешер.
- Ашына кёре табагъы, балына кёре къалагъы.
- Эшекге миннген – биринчи айыб, андан джыгъылгъан – экинчи айыб.
- Келинин тута билмеген, къул этер, къызын тута билмеген, тул этер.
- Дженгил джетерикме деб, узун джолну къоюб, къысхасын барма.
- Сакъ юйюне сау барыр.
- Къарын къуру болса, джюрек уру болур.
- Тойчу джашха къарама, къойчу джашха къара.
- Ашын ашагъанынгы, башын да сыйла.
- Кирсизни – саны таза, халалны – къаны таза.