- Бир абыннган – минг сюрюнюр.
- Къарнынг къанлынга кийирир.
- Чакъырылмай келген къонакъ сыйланмай кетер.
- Мал кёб болса, джууукъ кёб болур.
- Ашаса, ашамаса да, бёрюню ауузу – къан.
- Нёгерсизни джолу узун.
- Нарт сёз къарт болмаз.
- Сёз садакъдан кючлюдю.
- Олтуруб кёрюнмей эди да, ёрге туруб кёрюне эди.
- Ёлген эшек бёрюден къоркъмайды.
- Ишлерге уял да, ашаргъа табма.
- Бал чибинни ургъаны – ачы, балы – татлы.
- Биреу къой излей, биреу той излей.
- Къайтырыкъ эшигинги, къаты уруб чыкъма.
- Джеринден айырылгъан – джети джылар, джуртундан айырылгъан – ёлгюнчю джылар.
- Аякъларынгы джууургъанынга кёре узат.
- Эки къатын алгъанны къулагъы тынгнгаймаз.
- Кюл тюбюндеги от кёрюнмейди.
- Эркиши – от, тиширыу – суу.
- Кимни – тили, тиши онглу, кимни – къолу, иши онглу.
- Окъугъан – асыу, окъумагъан – джарсыу.
- Тилчи бир сагъатха айлыкъ хата этер.
- Хар зат кесини орнуна иги.
- Къартны бурнун сюрт да, оноугъа тут.
- Аманнга да, игиге да оноусуз къатышма.
- Намысы болмагъанны, сыйы болмаз.
- Гугук кесини атын айтыб къычыргъанча, мен, мен деб нек тураса?
- Ауругъан – джашаудан умутчу.
- Тил – кесген бычакъ, сёз – атылгъан окъ.
- Кийиминг бла танылма, адамлыкъ бла таныл.
- Кёб ант этген, кёб ётюрюк айтыр.
- Джыйырма къойну юч джыйырма эбзе кюте эди.
- Эрни эр этерик да, къара джер этерик да, тиширыуду.
- Аш иеси бла татлыды.
- Булут кёкге джарашыу, уят бетге джарашыу.
- Аман эсирсе, юйюн ояр.
- Ач отунчуну ачыуу – бурнунда.
- Кёз – сюйген джерде, къол – ауругъан джерде.
- Адамны сабийин сюйген джюреги, бычакъча, джитиди.
- Агъач халкъгъа алтынды, иссиликге салкъынды.
- Билими азны – ауузунда кирит.
- Башынга джетмегенни сорма.
- Адам къыйынлыгъын кёлтюрюр, зауукълугъун кёлтюрмез.
- Аз сёлешген, къайгъысыз турур.
- Арбаз сайлама да, хоншу сайла.
- Билеги кючлю, бирни джыгъар, билими кючлю, мингни джыгъар.
- Джаным-тиним – окъуу, билим.
- Экиндини кеч къылсанг, чабыб джетер ашхам.
- Къралынгы – душмандан, башынгы от бла суудан сакъла.
- Сёз – кюмюш, джыр – алтын.