Эльбрусоид :: Эльбрусоид :: Безенгийское ущелье

Тойгъа алгъа да барма, тойда артха да къалма.
Адам бла мюлк юлешмеген эсенг, ол адамны билиб бошагъанма, деб кесинги алдама.
Тенгинг джокъ эсе – изле, бар эсе – сакъла!
Къарнынг бла ёч алма.
Эшекге миннген – биринчи айыб, андан джыгъылгъан – экинчи айыб.
Адамны аманы адамны бети бла ойнар.
Джыгъылгъанны сырты джерден тоймаз.
Бал чибинни ургъаны – ачы, балы – татлы.
Ишлерге уял да, ашаргъа табма.
Мен да «сен», дейме, сен да «кесим», дейсе.
Джыйырма къойну юч джыйырма эбзе кюте эди.
Келинни – келгинчи, бёркню кийгинчи кёр.
Сангырау къулакъ эл бузар.
Алгъанда – джууукъ, бергенде – джау.
Ат да турмайды бир териде.
Аман адамны тепсинге олтуртсанг, къызынгы тилер.
Ач да бол, токъ да бол – намысынга бек бол.
Азыкъ аз болса, эртде орун сал.
Асхат ашлыкъ сата, юйдегиси ачдан къата.
Миллетни бойну – базыкъ, аны бла кюрешген – джазыкъ.
Тынгылагъан тынгы бузар.
От этилмеген джерден тютюн чыкъмайды.
Къатын къылыкъсыз, эр тынчлыкъсыз.
Бозанг болмагъан джерге, къалагъынгы сукъма.
Къонагъынгы артмагъын алма да, алгъышын ал.
Иги сеники эсе да, сюйген кесимикин этеме.
Эки ойлашыб, бир сёлешген.
Атынг аманнга чыкъгъандан эсе, джанынг тамагъынгдан чыкъсын.
Атадан ёксюз – бир ёксюз, анадан ёксюз – эки ёксюз.
Окъдан джара эртде-кеч болса да бителир, сёз джара, ёмюрге къалыр.
Адеб этмеген, адеб кёрмез.
Окъ къызбайны джокълайды.
Таш ата билмеген, башына урур.
Джыланны къуйругъундан басарынг келсе, аны башы болгъанын унутма.
Аш хазыр болса, иш харам болур.
Ариу сёз джыланны орнундан чыгъарыр.
Таш бла ургъанны, аш бла ур.
Къарт болгъан джерде, берекет болур, сабий болгъан джерде, оюн болур.
Тойгъан джерден туугъан джер игиди.
Бойнуму джети джерден кессенг да, мен ол ишни этеллик тюлме.
Окъугъанны бети джарыкъ.
Чабакъ башындан чирийди.
Тас болгъан бычакъны сабы – алтын.
Ойнай-ойнай кёз чыгъар.
Тойгъан антын унутур.
Къозулугъунда тоймагъан, къойлугъунда тоймаз.
Ачны эсинде – аш.
Тай асырагъан, атха минер.
Къайгъы тюбю – тенгиз.
Сакъ юйюне сау барыр.