Эльбрусоид :: Эльбрусоид :: Безенгийское ущелье

Аманны тукъумуна къарама, игини тукъумун сорма.
Арпа, будай – ащды, алтын, кюмюш а – ташды.
Къарнынг къанлынга кийирир.
Иги бла джюрюсенг, джетерсе муратынга, аман бла джюрюсенг, къалырса уятха.
Келлик заман – къартлыкъ келтирир, кетген заман – джашлыкъ ёлтюрюр.
Бойнуму джети джерден кессенг да, мен ол ишни этеллик тюлме.
Къарын къуру болса, джюрек уру болур.
Кийимни бир кюнню аясанг, минг кюннге джарар.
Башда акъыл болмаса, эки аякъгъа кюч джетер.
Байлыкъдан саулукъ ашхыды.
Къызын тута билмеген, тул этер, джашын тута билмеген, къул этер.
Ач да бол, токъ да бол – намысынга бек бол.
Сангырау къулакъ эл бузар.
Тура эдим джата, къайдан чыкъды хата?
Кенгеш болса, уруш болмаз.
Билимсиз иш бармаз.
«Ма», - дегенни билмесенг, «бер», - дегенни билмезсе.
Ушамагъан – джукъмаз.
Эрине къаргъыш этген къатын, эрнин къабар.
Эли джокъну – кёлю джокъ.
Экеу тутушса, биреу джыгъылыр.
Ашхы атаны – джашы ашхы, ашхы ананы – къызы ашхы.
Къыйынлы джети элни къайгъысын этер.
Ётген ёмюр – акъгъан суу.
Сабийни джумушха джибер да, ызындан бар.
Нарт сёз – тилни бети.
Ургъан суудан башынгы сакъла.
Иги – алгъыш этер, аман – къаргъыш этер.
Сакъалы текени да бар, мыйыгъы киштикни да бар.
Аман киши кеси юйюнде – къонакъ.
Ханнга да келеди хариблик.
Чалманны аллы къалай башланса, арты да алай барады.
Булут кёкге джарашыу, уят бетге джарашыу.
Байлыкъ адамны сокъур этер.
Бичгенде ашыкъма, тикгенде ашыкъ.
Ишни ахырын ойламай, аллын башлама.
Джюрекден джюрекге джол барды.
Эте билген, этген этеди, эте билмеген, юретген этеди!
Телиге от эт десенг, юйюнге от салыр.
Мухардан ач ычхынмаз.
Аджалсыз ёлюм болмаз.
Акъыл сабырлыкъ берир.
Биреу ашаб къутулур, биреу джалаб тутулур.
Ашатыргъа иш – ашхы, ишлетирге аш – ашхы.
Джаханимни кёрмей, джандетге кёл салмазса.
Тил – миллетни джаны.
Ата джурт – алтын бешик.
Акъыл неден да кючлюдю.
Башы ишлегенни, ауузу да ишлер.
Акъдан къара болмаз.