- Ариу джол аджал келтирмез.
- Тилчиден кери бол.
- Эринчекни эр алмаз, эр алса да, кёл салмаз, кёл салса да, кёб бармаз!
- Тил бла келеди джыр да.
- «Ма», - дегенни билмесенг, «бер», - дегенни билмезсе.
- Кесине оноу эте билмеген, халкъына да эте билмез.
- Къонагъы джокъну – шоху джокъ.
- Соргъан айыб тюлдю, билмеген айыбды.
- Таякъ этден ётер, тил сюекден ётер.
- Рысхы – насыбха къор.
- Гитче джилтин уллу элни джандырыр.
- Олтуруб кёрюнмей эди да, ёрге туруб кёрюне эди.
- Къазанчы аман болса, къазаны къайнамаз.
- Насыблы элин сюер, насыбсыз кесин сюер.
- Къулакъдан эсе, кёзге ышан.
- Аман адам этегингден тутса, кес да къач.
- Арбаз сайлама да, хоншу сайла.
- Алим болгъандан эсе, адам болгъан къыйынды.
- Термилгенинги табмазса, кюлгенинге тюберсе.
- Тёзгеннге, джабылгъан эшик ачылыр.
- Аууздан келген, къолдан келсе, ким да патчах болур эди.
- Уллу сёзде уят джокъ.
- Уллу сёлешме да, уллу къаб.
- Джашынгы кесинг юретмесенг, джашау юретир.
- Аз айтсам, кёб ангылагъыз.
- Ётюрюк хапар аякъ тюбю бла джюрюйдю.
- Тойгъа алгъа да барма, тойда артха да къалма.
- Артына баргъанны, къатына барма.
- Къарнынг ауруса, ауузунгу тый
- Кийиминг бла танылма, адамлыкъ бла таныл.
- Ишлегенден, къарагъан уста.
- Кенгеш болса, уруш болмаз.
- Бал – татлы, балдан да бала – татлы.
- Адеб джокъда, намыс джокъ.
- Эски джаугъа ышанма.
- Сёлеш деб шай берген, тохта деб, сом берген.
- Таш бла ургъанны, аш бла ур.
- Сабыр джетер муратха, сабырсыз къалыр уятха.
- Ана къойну – балагъа джандет.
- Ичимден чыкъды хата, къайры барайым сата?
- Билеги кючлю, бирни джыгъар, билими кючлю, мингни джыгъар.
- Экиндини кеч къылсанг, чабыб джетер ашхам.
- Къартха ушагъан джаш – акъыллы, джашха ушагъан къарт – тели.
- Телиге от эт десенг, юйюнге от салыр.
- Эки итни арасына сюек атма, эки адамны арасында сёз чыгъарма.
- Къалгъан ишге къар джауар.
- Игини сыйлагъан адетди.
- Ата – билек, ана – джюрек!
- Бетинги сатма, малынгы сат.
- Дуния мал дунияда къалады.