- Адеби болмагъан къыз – тузсуз хант.
- Узун джолну барсанг, бюгюн келирсе, къысха джолну барсанг, тамбла келирсе.
- Кёбден умут этиб, аздан къуру къалма.
- Кёб джашагъан – кёб билир.
- Тиширыусуз юй – отсуз от джагъа.
- Аман адамны тепсинге олтуртсанг, къызынгы тилер.
- Сибиртки да сыйлы болду, кюрек да кюнлю болду.
- Бал – татлы, балдан да бала – татлы.
- Къарын къуру болса, джюрек уру болур.
- Ёзденликни джайгъан – джокълукъ.
- Аман адам элни бир-бирине джау этер.
- Башынга джетмегенни сорма.
- Тил – миллетни джаны.
- Эркиши – от, тиширыу – суу.
- Къатын байлыкъны сюер, эр саулукъну сюер.
- Чабакъгъа акъыл, табагъа тюшсе келеди.
- Бичгенде ашыкъма, тикгенде ашыкъ.
- Къызны минг тилер, бир алыр.
- Хата – гитчеден.
- Кёлю джокъну – джолу джокъ.
- Суу ичген шауданынга тюкюрме.
- Къарт айтханны этмеген, къартаймаз.
- Рысхы – сют юсюнде кёмюк кибикди.
- Айыбны суу бла джууалмазса.
- Азыкъ аз болса, эртде орун сал.
- Аман къатын алгъан, арыр, иги къатын алгъан джарыр.
- Аманны тукъумуна къарама, игини тукъумун сорма.
- Тилчи тилден къаныкъмаз.
- Сагъышы джокъ – джукъучу, акъылы джокъ – къаугъачы.
- Аш хазыр болса, иш харам болур.
- Суугъа – таянма, джаугъа – ийнанма.
- Къонакъ болсанг, ийнакъ бол.
- Джюрекден джюрекге джол барды.
- Кирсизни – саны таза, халалны – къаны таза.
- Ата – билек, ана – джюрек!
- Ачлыкъда тары гырджын халыуадан татлы.
- Эл тойса, тоймагъан, эл къойса, къоймагъан.
- Акъдан къара болмаз.
- Сакъ юйюне сау барыр.
- Эринчекни эр алмаз, эр алса да, кёл салмаз, кёл салса да, кёб бармаз!
- Тамчы таш тешер.
- Кийим тукъум сордурур.
- Къозулугъунда тоймагъан, къойлугъунда тоймаз.
- Къумурсхала джыйылсала, пилни да джыгъадыла.
- Баргъанынга кёре болур келгенинг.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тилчиден кери бол.
- От кюйдюрген, сау болса да, тот кюйдюрген, сау болмаз.
- Тешик этген тынчды, аны джамагъан къыйынды.
- Къазанчы аман болса, къазаны къайнамаз.
t a u l u
|