Эльбрусоид :: Эльбрусоид :: Безенгийское ущелье

Джарлыны тону джаз битер.
Къарнынг бла ёч алма.
Ашда – бёрю, ишде – ёлю.
Тилчи тилден къаныкъмаз.
Тёгюлген тюгел джыйылмайды.
Къартны сыйын кёрмеген, къартлыгъында сыйлы болмаз.
Аманны къуугъан, аманлыкъ табар.
Байны къызы баймакъ болса да, юйде къалмаз!
Адеб джокъда, намыс джокъ.
Джюз элде джюз ёгюзюм болгъандан эсе, джюз джууугъум болсун.
Къарт бла баш аша, джаш бла аякъ аша.
Зарда марда джокъ.
Келинин тута билмеген, къул этер, къызын тута билмеген, тул этер.
Ашхы сёз таш тешер.
Терслик кетер, тюзлюк джетер.
Аманнга игилик этсенг, юйюнге сау бармазса.
Тойгъа барсанг, тоюб бар, эски тонунгу къоюб бар.
Ётген ёмюр – акъгъан суу.
Къууут – джелге, берне – бошха.
Къызбайны юйюне дери сюрсенг, батыр болур.
Татлы сёз – балдан татлы.
Алма терегинден кери кетмез.
Махтаннган къыз, тойда джукълар.
Адам къаллай бир ишленмесе, аллай бир кесин уллу кёреди.
Арпа, будай – ащды, алтын, кюмюш а – ташды.
Экиндини кеч къылсанг, чабыб джетер ашхам.
Аджашханны ызындагъы кёреди, джангылгъанны джанындагъы биледи.
Шайтан алдады, тюзлюк къаргъады.
Эртде тургъан бла эртде юйленнген сокъуранмаз.
Къуру гыбыт бек дыгъырдар.
Къыз келсе, джумуш эте келеди, къатын келсе, ушакъ эте келеди.
Къарыусузгъа кюлме, онгсузгъа тийме.
Кёл – къызбай, къол – батыр.
Тенгни тенглиги джашай барсанг билинир.
Аякъларынгы джууургъанынга кёре узат.
Кёбге таш атма.
Чомартха хар кюн да байрамды.
Чарсда алчыны эл кёреди.
Кийимни бир кюнню аясанг, минг кюннге джарар.
Эл ауузу – элек, анга ийнаннган – халек.
Джуртун къоругъан озар.
Душманны тышы – акъ, ичи – къара.
Билим къая тешер.
Уллу атлама – абынырса, уллу къабма – къарылырса.
Таш ата билмеген, башына урур.
Кюн кёрмеген, кюн кёрсе, кюндюз чыракъ джандырыр.
Къонакъ аз олтурур, кёб сынар.
Тас болгъан бычакъны сабы – алтын.
Окъуусуз билим – джокъ, билимсиз кюнюнг – джокъ.
Джырына кёре эжиую.