- Халкъгъа джарагъан, джарлы къалмаз.
- Аджашханны ызындагъы кёреди, джангылгъанны джанындагъы биледи.
- Байлыкъ келсе, акъыл кетер.
- Сакъламагъан затынга джолукъсанг, не бек къууанаса, не бек ачыйса.
- Арбаз сайлама да, хоншу сайла.
- Тилсиз миллет джокъ болур.
- Аджал соруб келмез, келсе, къайтыб кетмез.
- Экиндини кеч къылсанг, чабыб джетер ашхам.
- Ёгюзню мюйюзлери ауурлукъ этмейдиле.
- Бек анасы джыламаз.
- Чомарт къолда мал къалмаз.
- Намыс болмагъан джерде, насыб болмаз.
- Уллу къазанда бишген эт, чий къалмаз.
- Ётген ёмюр – акъгъан суу.
- Бетинги сатма, малынгы сат.
- Ёксюзню тилеги къабыл болур.
- Чабар ат – джетген къыз.
- Джуртун къоругъан озар.
- Къайгъыны сюйген, къайгъы табар.
- Баргъанынга кёре болур келгенинг.
- Татлы тилде – сёз ариу, чемер къолда – иш ариу.
- Халкъны джырын джырласанг, халкъ санга эжиу этер.
- Дженгил джетерикме деб, узун джолну къоюб, къысхасын барма.
- Уллу сёзде уят джокъ.
- Ана къойну – балагъа джандет.
- Эркишини аманы тиширыуну джылатыр.
- Ана – юйню кюн джарыгъы.
- Ачлыкъда тары гырджын халыуадан татлы.
- Хар адамгъа кеси миннген тау кибик.
- Джюрекге ариу – кёзге да ариу.
- Таукел тауну аудурур.
- Кёзден кетген, кёлден да кетеди.
- Билгенни къолу къарны джандырыр.
- Къарыусузгъа кюлме, онгсузгъа тийме.
- Тойгъанлыкъ къойгъа джарашады.
- Мухар, кеси тойса да, кёзю тоймаз.
- Бойнуму джети джерден кессенг да, мен ол ишни этеллик тюлме.
- Келгинчи, къонакъ уялыр, келгенден сора, къонакъбай уялыр.
- Игиге айтсанг – билир, аманнга айтсанг – кюлюр.
- Алтыда кюлмеген, алтмышда кюлмез.
- Джетген къыз джерли эшекни танымаз.
- Керти сёзге тёре джокъ.
- Эл тойса, тоймагъан, эл къойса, къоймагъан.
- Магъанасыз сёз – тауушсуз сыбызгъы.
- Къызгъанчдан ычхыныр, мухардан ычхынмаз.
- Къар – келтирди, суу – элтди.
- Къатын байлыкъны сюер, эр саулукъну сюер.
- Аллахдан тилесенг, кёб тиле.
- Ишге юренсин къоллары, халкъ бла болсун джоллары.
- Джолунга кёре – джюрюшюнг, джагъанга кёре – юлюшюнг.