- Тиширыусуз юй – отсуз от джагъа.
- Мураты болгъанны джюрек тебюую башхады.
- Ишлегенден, къарагъан уста.
- Къар – келтирди, суу – элтди.
- Иги джашны ышаны – аз сёлешиб, кёб тынгылар.
- Алтыда кюлмеген, алтмышда кюлмез.
- Ашха уста, юйюнде болсун
- Къайгъы тюбю – тенгиз.
- Джахил болса анасы, не билликди баласы?
- Башсыз урчукъ тюзюне айланмаз.
- Аз айтсам, кёб ангылагъыз.
- Айранны сюйген, ийнек тутар.
- Тойгъа алгъа да барма, тойда артха да къалма.
- Юйюнгден чыкъдынг – кюнюнгден чыкъдынг.
- Ёзденликни джайгъан – джокълукъ.
- Келлик заман – къартлыкъ келтирир, кетген заман – джашлыкъ ёлтюрюр.
- Джырчы ёлсе, джыры къалыр.
- Билмезни кёзю кёрмез, этмезни къулагъы эшитмез.
- Кийимни бир кюнню аясанг, минг кюннге джарар.
- Иги адам абынса да, джангылмаз.
- Къарнынг тойгъунчу аша да, белинг талгъынчы ишле.
- Бозаны арты дауур болур.
- Садакъачыны джаны – къапчыгъында.
- Эшекни не къадар тюйсенг да, ат болмаз.
- Юй ишлеген балта эшикде къалыр.
- Къралынгы – душмандан, башынгы от бла суудан сакъла.
- Аманны эки битли тону болур, бирин сеннге кийдирир, бирин кеси киер.
- Ашатыргъа иш – ашхы, ишлетирге аш – ашхы.
- Тешик этген тынчды, аны джамагъан къыйынды.
- Ауурну тюбю бла, дженгилни башы бла джюрюген.
- Эркишини аманы тиширыуну джылатыр.
- Сёз сёзню айтдырыр.
- Аллахха ийнаннган кишини, Аллах онгдурур ишин.
- Джукъу тёшек сайламайды.
- Аууз сакълагъан – джан сакълар.
- Юй кюйдю да, кюйюз чыкъды, ортасындан тюйюш чыкъды.
- Мадар болса, къадар болур.
- Къалгъан ишге къар джауар.
- Бет бетге къараса, бет да джерге къарар.
- Тойгъа барсанг, тоюб бар, эски тонунгу къоюб бар.
- Тас болгъан бычакъны сабы – алтын.
- Чалманны аллы къалай башланса, арты да алай барады.
- Окъугъан озар, окъумагъан тозар.
- Сагъыш – къартлыкъгъа сюйюмчю.
- Азыкъ аз болса, эртде орун сал.
- Сангырау къулакъ эл бузар.
- Джаш болсун, къыз болсун, акъылы, саны тюз болсун.
- Артына баргъанны, къатына барма.
- Ёгюзню мюйюзюнден тутадыла, адамны сёзюнден тутадыла.
- Билгенни къолу къарны джандырыр.