- Айтылгъан буйрукъ, сёгюлмез
- Джолда аягъынга сакъ бол, ушакъда тилинге сакъ бол.
- Берекет берсин деген джерде, берекет болур.
- Садакъачыны джаны – къапчыгъында.
- Джашынгы кесинг юретмесенг, джашау юретир.
- Къоркъакъны кёзю экили кёрюр.
- Ёлген эшек бёрюден къоркъмайды.
- Ашхы атаны – джашы ашхы, ашхы ананы – къызы ашхы.
- Ач келгенни – тойдур, кеч келгенни – къондур.
- Тели турса – той бузар.
- Тойгъанлыкъ къойгъа джарашады.
- Джерни букъусу кёкге къонмаз.
- Бозанг болмагъан джерге, къалагъынгы сукъма.
- Ауурну тюбю бла, дженгилни башы бла джюрюген.
- Джумушакъ терекни къурт ашар.
- Окъумагъан сокъурду, сокъур ташха абыныр!
- Адам сёзге тынгыла, акъыл сёзню ангыла.
- Ишленмеклик адамлыкъды.
- Къызны минг тилер, бир алыр.
- Суугъа – таянма, джаугъа – ийнанма.
- Онгсузну – джакъла, тенгликни – сакъла.
- Кёб ант этген, кёб ётюрюк айтыр.
- Тенгинг джокъ эсе – изле, бар эсе – сакъла!
- Айтхан – тынч, этген – къыйын.
- Чыбыкълыкъда бюгюлмеген, къазыкълыкъда бюгюлмей эди.
- Телини эшигин, махтау джабар.
- Акъыл неден да кючлюдю.
- Таула не мийик болсала да, аууш табылыр.
- Башы ишлегенни, ауузу да ишлер.
- Оюмсуз атлагъан, аджалсыз ёлюр.
- Чакъырылмагъан къонакъ – орунсуз.
- Эл ауузу – элия.
- Уясында не кёрсе, учханында аны этер.
- Окъ къызбайны джокълайды.
- Экеу тутушса, биреу джыгъылыр.
- Байма, деб да, къууанма, джарлыма, деб да, джылама.
- Ач къарынны, токъ билмез
- Тилчи бир сагъатха айлыкъ хата этер.
- Аллахдан тилесенг, кёб тиле.
- Ана къолу ачытмаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ишни аллы бла къууанма да, арты бла къууан.
- Чакъырылгъанны аты, чакъырылмагъанны багъасы болур.
- Эм уллу байлыкъ – джан саулукъ.
- Адамны аты башхача, акъылы да башхады.
- Сакъ юйюне сау барыр.
- Арбаз къынгырды да, ийнек сауалмайма.
- Эки элинги тыйсанг, джети элде махталырса.
- Тил бла келеди джыр да.
- Аман адам этегингден тутса, кес да къач.