Эльбрусоид :: Эльбрусоид

Баргъанынга кёре болур келгенинг.
Керти сёзге тёре джокъ.
Мал ёлсе, сюек къалыр, адам ёлсе, иши къалыр.
Эринчекге кюн узун.
Джан саулукъ бермей, сан саулукъ бермезсе.
Адебни адебсизден юрен.
Урунуу – насыбны анасы.
Юй кюйдю да, кюйюз чыкъды, ортасындан тюйюш чыкъды.
Байны оноуу, джарлыгъа джарамаз.
Ашхылыкъ джерде джатмайды, аманлыкъ суугъа батмайды.
Чомартха Тейри да борчлуду.
Намысы болмагъанны, сыйы болмаз.
Адамны аты башхача, акъылы да башхады.
Сакъламагъан затынга джолукъсанг, не бек къууанаса, не бек ачыйса.
Джыланны къуйругъундан басарынг келсе, аны башы болгъанын унутма.
Кийиминг бла танылма, адамлыкъ бла таныл.
Ариу – кёзге, акъыл – джюрекге.
Сибиртки да сыйлы болду, кюрек да кюнлю болду.
Ауурну тюбю бла, дженгилни башы бла джюрюген.
Билеги кючлю, бирни джыгъар, билими кючлю, мингни джыгъар.
Хоншуну тауугъу къаз кёрюнюр, келини къыз кёрюнюр.
Къарын къуру болса, джюрек уру болур.
Хансыз джомакъ болмаз.
Аякъларынгы джууургъанынга кёре узат.
Ана къолу ачытмаз.
Ач бёрюге мекям джокъ.
Юйюнгден чыкъдынг – кюнюнгден чыкъдынг.
Азыкълы ат арымаз, къатыны аман джарымаз.
Иги бла джюрюсенг, джетерсе муратынга, аман бла джюрюсенг, къалырса уятха.
Аууз сакълагъан – джан сакълар.
Эрине къаргъыш этген къатын, эрнин къабар.
Акъыллы эркиши атын махтар, акъылсыз эркиши къатынын махтар.
Этни да ашады, бетни да ашады.
Терек ауса, отунчу – кёб.
Дууулдаса – бал чибин, къонса – къара чибин.
Намыс сатылыб алынмайды.
Телиге от эт десенг, юйюнге от салыр.
Ата Джуртча джер болмаз, туугъан элча эл болмаз.
Адам къыйынлыгъын кёлтюрюр, зауукълугъун кёлтюрмез.
Джигер – джаннга къыйынлыкъ.
Бастасын ашагъан, хантусун да ичер.
Адамны аманы адамны бети бла ойнар.
Кёзню ачылгъаны – иги, ауузну джабылгъаны – иги.
Къозулугъунда тоймагъан, къойлугъунда тоймаз.
Аманны эки битли тону болур, бирин сеннге кийдирир, бирин кеси киер.
Ач отунчуну ачыуу – бурнунда.
Акъыллы айтыр эди, акъылсыз къоймайды.
Адам сёзге тынгыла, акъыл сёзню ангыла.
Ашхы атаны – джашы ашхы, ашхы ананы – къызы ашхы.
Таякъ этден ётер, тил сюекден ётер.