- Эки итни арасына сюек атма, эки адамны арасында сёз чыгъарма.
- Сескекли кесин билдирир.
- Узун джолну барсанг, бюгюн келирсе, къысха джолну барсанг, тамбла келирсе.
- Хунаны тюбюн къазсанг, юсюнге ауар.
- Сютню башын джалагъан къутулур, тюбюн ичген тутулур.
- Аш кетер да бет къалыр.
- Ана кёлю – балада, бала кёлю – талада.
- Къонакъ аз олтурур, кёб сынар.
- Кесинге джетмегенни, кёб сёлешме.
- Къартны сыйын кёрмеген, къартлыгъында сыйлы болмаз.
- Къонакъ аман болса, къонакъбай джунчур
- Терслик кетер, тюзлюк джетер.
- Айранын берсенг, челегин да къызгъанма.
- Акъылсызны джууукъгъа алма, акъыллыны кенгнге салма.
- Чабар ат – джетген къыз.
- Элиб деген, элге болушур.
- Баланы адам этген анады.
- Керилген да, ургъан кибикди.
- Ёлген ийнек сютлю болур.
- Игиге айтсанг – билир, аманнга айтсанг – кюлюр.
- Хар ишни да аллы къыйынды.
- Терек ауса, отунчу – кёб.
- Джарлы джети элни сёзюн этер.
- Кёрмегеннге кебек – танг, битмегеннге сакъал – танг.
- Къатыны харакетли болса, эри къымсыз болур.
- Аууздан келген, къолдан келсе, ким да патчах болур эди.
- Мухарны эси – ашарыкъда.
- Окъуу – билимни ачхычы, окъуу – дунияны бачхычы.
- Эски джаугъа ышанма.
- Келгинчи, къонакъ уялыр, келгенден сора, къонакъбай уялыр.
- Къызгъанчдан ычхыныр, мухардан ычхынмаз.
- Къуру гыбыт бек дыгъырдар.
- Урунуу – насыбны анасы.
- Биреуню къыйынлыгъы бла кесинге джол ишлеме.
- Абынмазлыкъ аякъ джокъ, джангылмазлыкъ джаякъ джокъ.
- Махтаннган къыз, тойда джукълар.
- Ишге юренсин къоллары, халкъ бла болсун джоллары.
- Азыгъы аз, алгъа къабар, аты аман, алгъа чабар.
- Келинни – келгинчи, бёркню кийгинчи кёр.
- Билим насыб берир, билим джолну керир.
- Къонакъ болсанг, ийнакъ бол.
- Къарнынг бла ёч алма.
- Мураты болгъанны джюрек тебюую башхады.
- Халкъны юйю – туугъан джери.
- Ариу сёз аурууунгу алыр.
- Ашхы тенг джолгъа салыр, аман тенг джолдан тайдырыр.
- Баргъанынга кёре болур келгенинг.
- Айыбны суу бла джууалмазса.
- Ургъан суудан башынгы сакъла.
- Тамчы таш тешер.