- Ашхы – джыяр, аман – джояр.
- Ёзденликни джайгъан – джокълукъ.
- Джаз бир кюнню джатсанг, къыш талай кюнню абынырса.
- Къыз келсе, джумуш эте келеди, къатын келсе, ушакъ эте келеди.
- Ачлыкъ отха секиртир.
- Джылыгъа джылан илешир.
- Татлы тилде – сёз ариу, чемер къолда – иш ариу.
- Кесинг сынамагъан затны, адамгъа буюрма.
- Ана – юйню кюн джарыгъы.
- Узун джолну барсанг, бюгюн келирсе, къысха джолну барсанг, тамбла келирсе.
- Башы ишлегенни, ауузу да ишлер.
- Тенгинг джокъ эсе – изле, бар эсе – сакъла!
- Ёзденликни кёбю ётюрюк.
- Джарлыны эшигин махтагъан джабар.
- Иги болса, тамадама – махтау, аман болса, меннге – айыб.
- Уллу айтханны этмеген – уллаймаз.
- Адамны артындан къара сабан сюрме.
- Бермеген къол, алмайды.
- Арбаз къынгырды да, ийнек сауалмайма.
- Кюн кёрмеген, кюн кёрсе, кюндюз чыракъ джандырыр.
- Биреуню къыйынлыгъы бла кесинге джол ишлеме.
- Чакъырылмай келген къонакъ сыйланмай кетер.
- Тил бла келеди джыр да.
- Адеб джокъда, намыс джокъ.
- Джарашыу сюйген – джалынчакъ.
- Нарт сёз къарт болмаз.
- Ётюрюкчюню шагъаты – къатында.
- Къралынгы – душмандан, башынгы от бла суудан сакъла.
- Аман адамны тепсинге олтуртсанг, къызынгы тилер.
- Чомартны къолу берекет.
- Чабакъ башындан чирийди.
- Джыйырма къойну юч джыйырма эбзе кюте эди.
- Джаш къарыу бла кючлю, къарт акъыл бла кючлю.
- Юйлю уругъа ит чабмаз.
- Адамны сыфатына къарама, сёзюне къара.
- Акъдан къара болмаз.
- Мураты болгъанны джюрек тебюую башхады.
- Акъыллы айтыр эди, акъылсыз къоймайды.
- Ашлыкъны арба юйге келтирир, чана базаргъа элтир.
- Эри аманны, къатыны – аман.
- Миллетни бойну – базыкъ, аны бла кюрешген – джазыкъ.
- Чомарт бергенин айтмаз.
- Биреуню тёрюнден, кесинги эшик артынг игиди.
- Ишин билген, аны сыйын чыгъарады.
- Ёлген ийнек сютлю болур.
- Чомартха Тейри да борчлуду.
- Ат басханны джер билед.
- Къая джолда джортма, ачыкъ сёзден къоркъма.
- Келинни – келгинчи, бёркню кийгинчи кёр.
- Эте билген, этген этеди, эте билмеген, юретген этеди!