- От этилмеген джерден тютюн чыкъмайды.
- Ач да бол, токъ да бол – намысынга бек бол.
- Тешик этген тынчды, аны джамагъан къыйынды.
- Ашда – бёрю, ишде – ёлю.
- Джашда акъыл джокъ, къартда къарыу джокъ.
- Ашын ашагъанынгы, башын да сыйла.
- Аджаллыгъа окъсуз шкок атылыр.
- Билим къая тешер.
- Аманны тукъумуна къарама, игини тукъумун сорма.
- Юйлю уругъа ит чабмаз.
- Ариу сёз аурууунгу алыр.
- Джарлыны эшигин махтагъан джабар.
- Биреуге аманлыкъ этиб, кесинге игилик табмазса.
- Кийим тукъум сордурур.
- Кёб джашагъан – кёб билир.
- Хар сёзню орну барды.
- Айтылгъан буйрукъ, сёгюлмез
- Къарнынг къанлынга кийирир.
- Этим кетсе да, сюегим къалыр.
- Башынга джетмегенни сорма.
- Тура эдим джата, къайдан чыкъды хата?
- Тюзлюк тас болмайды.
- Кюн – узун, ёмюр – къысха.
- «Ма», - дегенни билмесенг, «бер», - дегенни билмезсе.
- Нёгер болсанг, тенг бол, тенг болмасанг, кенг бол.
- Байны оноуу, джарлыгъа джарамаз.
- Иги сеники эсе да, сюйген кесимикин этеме.
- Элге къуллукъ этмеген, элге ие болмаз.
- Окъдан джара эртде-кеч болса да бителир, сёз джара, ёмюрге къалыр.
- Уллу суу бла уллу ауруудан башынгы сакъла.
- Ишни ахырын ойламай, аллын башлама.
- Адамны артындан къара сабан сюрме.
- Джарлы тюеге минсе да, ит къабар.
- Джарлы джети элни сёзюн этер.
- Кёл ашады да, кеси ашады.
- Ашыкъгъан cуу, тенгизге джетмез.
- Ачлыкъда тары гырджын халыуадан татлы.
- Магъанасыз сёз – тауушсуз сыбызгъы.
- Тай асырагъан, атха минер.
- Билими азны – ауузунда кирит.
- Джарашыу сюйген – джалынчакъ.
- Башланнган иш битер, къымылдагъан тиш тюшер.
- Алтыда кюлмеген, алтмышда кюлмез.
- Этни бети бла шорпасы.
- Тёрени джагъы джокъ.
- Ётюрюк хапар аякъ тюбю бла джюрюйдю.
- Къатын къылыкъсыз, эр тынчлыкъсыз.
- Киштикге къанат битсе, чыпчыкъ къалмаз эди.
- Ашда уялгъан – мухар, ишде уялгъан – хомух.
- Эшекге миннген – биринчи айыб, андан джыгъылгъан – экинчи айыб.