- Ана – юйню кюн джарыгъы.
- Татлы сёз – балдан татлы.
- Ашлыкъ – бюртюкден, джюн – тюкден.
- Мураты болгъанны джюрек тебюую башхады.
- Къартха ушагъан джаш – акъыллы, джашха ушагъан къарт – тели.
- Тойгъанлыкъ къойгъа джарашады.
- Ётюрюкню къуйругъу – бир тутум.
- Билим ат болуб да чабар, къуш болуб да учар.
- Къууут – джелге, берне – бошха.
- Халкъны джырын джырласанг, халкъ санга эжиу этер.
- Бал – татлы, балдан да бала – татлы.
- Окъугъанны бети джарыкъ.
- Ишни аллы бла къууанма да, арты бла къууан.
- Керек ташны ауурлугъу джокъ.
- Къарт болгъан джерде, берекет болур, сабий болгъан джерде, оюн болур.
- Тешигини къатында, чычхан да батыр болур.
- Тёрде – темир таякълы, къаяда – чыпчыкъ аякълы.
- Тай асырагъан, атха минер.
- Иги сеники эсе да, сюйген кесимикин этеме.
- Джыгъылгъанны сырты джерден тоймаз.
- Тойгъандан сора, ашны сёкме.
- Биреуню тёрюнден, кесинги эшик артынг игиди.
- Джангыз терек къынгыр ёсер.
- Берекет берсин деген джерде, берекет болур.
- Миллетни бойну – базыкъ, аны бла кюрешген – джазыкъ.
- Джолда аягъынга сакъ бол, ушакъда тилинге сакъ бол.
- Атлыны кёрсе, джаяуну буту талыр.
- Джарашыу сюйген – джалынчакъ.
- Чабакъсыз кёлге къармакъ салгъанлыкъгъа, чабакъ тутмазса.
- Зар адамны насыбы болмаз.
- Эл ауузу – элек, анга ийнаннган – халек.
- Ойнай билмеген, оюн бузар.
- Юй кюйдю да, кюйюз чыкъды, ортасындан тюйюш чыкъды.
- Нарт сёз – тилни бети.
- Тил – миллетни джаны.
- Юйюнгден чыкъдынг – кюнюнгден чыкъдынг.
- Мал кёб болса, джууукъ кёб болур.
- Гитче джилтин уллу элни джандырыр.
- Къонакъны къачан кетерин сорма, къачан келлигин сор.
- Къонакъ аман болса, къонакъбай джунчур
- Тенгни тенглиги джашай барсанг билинир.
- Кенгеш болса, уруш болмаз.
- Чарсда алчыны эл кёреди.
- Акъыллы эркиши атын махтар, акъылсыз эркиши къатынын махтар.
- Ёмюрлюк шохлукъну джел элтмез.
- Аман къатын сабий табса, бий болур…
- Орну джокъну – сыйы джокъ.
- Къулакъдан эсе, кёзге ышан.
- Таукел адам тау тешер.
- Тин – байлыгъынг, терен саулугъунг.