- Джангыз терек къынгыр ёсер.
- Айырылгъанланы айю ашар, бёлюннгенлени бёрю ашар.
- Орну джокъну – сыйы джокъ.
- Билеги кючлю, бирни джыгъар, билими кючлю, мингни джыгъар.
- Экеулен сёлеше тура эселе, орталарына барыб кирме.
- Къоркъакъны кёзю экили кёрюр.
- Эрине къаргъыш этген къатын, эрнин къабар.
- Берекет берсин деген джерде, берекет болур.
- Къарнынг тойгъунчу аша да, белинг талгъынчы ишле.
- Уллу къазанда бишген эт, чий къалмаз.
- Тели турса – той бузар.
- Кёзню ачылгъаны – иги, ауузну джабылгъаны – иги.
- Гырджын – тепсини тамадасы.
- Татлы тилде – сёз ариу, чемер къолда – иш ариу.
- Аш кетер да бет къалыр.
- Кийим тукъум сордурур.
- Сакъалы текени да бар, мыйыгъы киштикни да бар.
- Хар адамгъа кеси миннген тау кибик.
- Юйюнг бла джау болгъандан эсе, элинг бла джау бол.
- Джети тилни билген джети кишиди.
- Рысхы джалгъанды: келген да этер, кетген да этер.
- Рысхысына кёре, джаш ёсер, къышлыгъына кёре, мал ёсер.
- Къыз тиширыу кеси юйюнде да къонакъды.
- Биреу къой излей, биреу той излей.
- Тилде сюек болмаса да, сюек сындырыр.
- Къонакъ аман болса, къонакъбай джунчур
- Сёз сёзню айтдырыр.
- Къыйынлы джети элге оноу этер.
- Адам къаллай бир ишленмесе, аллай бир кесин уллу кёреди.
- Ата – билек, ана – джюрек!
- Адеб базарда сатылмаз.
- Ауругъанны сау билмез, ач къарынны токъ билмез.
- Терслик кетер, тюзлюк джетер.
- Башынга джетмегенни сорма.
- Билмейме деген – бир сёз
- Ёксюзню къалачы уллу кёрюнюр.
- Къулакъдан эсе, кёзге ышан.
- Къартны сыйын кёрмеген, къартлыгъында сыйлы болмаз.
- Чакъырылгъанны аты, чакъырылмагъанны багъасы болур.
- Къуру гыбыт бек дыгъырдар.
- Уллу сёлешме да, уллу къаб.
- Ач уят къоймаз.
- Уллу айтханны этмеген – уллаймаз.
- Аджаллыгъа окъсуз шкок атылыр.
- Эл ауузу – элек, анга ийнаннган – халек.
- Эки итни арасына сюек атма, эки адамны арасында сёз чыгъарма.
- Ач бёрюге мекям джокъ.
- Эринчекге кюн узун.
- Босагъа таш юйге кирмей эди, тыбыр таш эшикге чыкъмай эди.
- Джангыз торгъай джырламаз.