Эльбрусоид :: Эльбрусоид

Джолда аягъынга сакъ бол, ушакъда тилинге сакъ бол.
Эм уллу байлыкъ – джан саулукъ.
Къайгъыны сюйген, къайгъы табар.
Эки ойлашыб, бир сёлешген.
Тамбла алтындан бюгюн багъыр ашхы.
Ханнга да келеди хариблик.
Биреу ашаб къутулур, биреу джалаб тутулур.
Эл ауузу – элек, анга ийнаннган – халек.
Къарт болгъан джерде, берекет болур, сабий болгъан джерде, оюн болур.
Эркиши – от, тиширыу – суу.
Аууздан келген, къолдан келсе, ким да патчах болур эди.
Аманнга алтын чыдамаз.
Уллу къазанда бишген эт, чий къалмаз.
Тилчи тилден къаныкъмаз.
Ёнгкюч къууана барыр, джылай келир.
Аман адам этегингден тутса, кес да къач.
Кийим тукъум сордурур.
Сёз сёзню айтдырыр.
Бет бетге къараса, бет да джерге къарар.
Къарны аманнга къазан такъдырма, къолу аманнга от джакъдырма.
Ашыкъгъанны этеги бутуна чырмалыр.
Айырылгъанланы айю ашар, бёлюннгенлени бёрю ашар.
Ашхы – джыяр, аман – джояр.
Итли къонакъ джарашмаз.
Къууут – джелге, берне – бошха.
Ким бла джюрюсенг, аны кёзю бла кёрюнюрсе.
Тёрдеги кюлсе, эшикдеги ышарыр.
Ауузу бла къуш тута айланады.
Адеб базарда сатылмаз.
Къарнынг бла ёч алма.
Чакъырылмагъан къонакъ – орунсуз.
Джылыгъа джылан илешир.
Ата – баланы уясы.
Бастасын ашагъан, хантусун да ичер.
Тойгъа барсанг, тоюб бар, эски тонунгу къоюб бар.
Айтханы чапыракъдан ётмеген.
Чабакъ башындан чирийди.
Аджаллыгъа окъсуз шкок атылыр.
Адам сёзге тынгыла, акъыл сёзню ангыла.
Сангырау къулакъ эл бузар.
Хата – гитчеден.
Нёгер болсанг, тенг бол, тенг болмасанг, кенг бол.
Къулакъдан эсе, кёзге ышан.
Нарт сёз – тилни бети.
Айраннга суу къош, телиге джол бош.
Тёгюлген тюгел джыйылмайды.
Намыс болмагъан джерде, насыб болмаз.
Ёлген ийнек сютлю болур.
Бойнуму джети джерден кессенг да, мен ол ишни этеллик тюлме.
Аллахха ийнаннган кишини, Аллах онгдурур ишин.