- Кёзню ачылгъаны – иги, ауузну джабылгъаны – иги.
- Къолунгдан къуймакъ ашатсанг да, атаны борчундан къутулмазса.
- Къралынгы – душмандан, башынгы от бла суудан сакъла.
- Ачылгъан эт джабылыр, кёрген кёз унутмаз.
- Окъуу – билимни ачхычы, окъуу – дунияны бачхычы.
- Джюрекге ариу – кёзге да ариу.
- Бюгюн дуния кибик, тамбла ахыратды.
- Чыбыкълыкъда бюгюлмеген, къазыкълыкъда бюгюлмей эди.
- Ышармагъан – кюлмез, кюлмеген – къууанчны билмез.
- Ауурну тюбю бла, дженгилни башы бла джюрюген.
- Экиндини кеч къылсанг, чабыб джетер ашхам.
- Дууулдаса – бал чибин, къонса – къара чибин.
- Алим болгъандан эсе, адам болгъан къыйынды.
- Сууда джау джокъ, кёб сёзде магъана джокъ.
- Келгинчи, къонакъ уялыр, келгенден сора, къонакъбай уялыр.
- Ёзденликни кёбю ётюрюк.
- Термилгенинги табмазса, кюлгенинге тюберсе.
- Хар адамгъа кеси миннген тау кибик.
- Кёзден кетген, кёлден да кетеди.
- Тёгюлген тюгел джыйылмайды.
- Уллу айтханны этмеген – уллаймаз.
- Тин – байлыгъынг, терен саулугъунг.
- Хата – гитчеден.
- Орну джокъну – сыйы джокъ.
- Ёмюрлюк шохлукъну джел элтмез.
- Иесиз малны бёрю ашар.
- Адеби болмагъан къыз – тузсуз хант.
- Ишленмеклик адамлыкъды.
- Дуния аламаты сен эсенг да, игиме деб айтма.
- Кёпюр салгъан кеси ётер, уру къазгъан кеси кетер.
- Кирсизни – саны таза, халалны – къаны таза.
- Къатын байлыкъны сюер, эр саулукъну сюер.
- Къозулугъунда тоймагъан, къойлугъунда тоймаз.
- Айтхан – тынч, этген – къыйын.
- Насыблы элин сюер, насыбсыз кесин сюер.
- Ач къалгъандан, кеч къалгъан къолай.
- Адамны джюреги нени кёрюрге сюйсе, кёзю да аны кёрюрге ёч болады.
- Къалгъан ишге къар джауар.
- Суугъа – чабакъ, къаягъа – ыргъакъ.
- Джети тилни билген джети кишиди.
- Баш болса, бёрк табылыр.
- Шайтан алдады, тюзлюк къаргъады.
- Ана къолу ачытмаз.
- Чомартха Тейри да борчлуду.
- Ач келгенни – тойдур, кеч келгенни – къондур.
- Башынга джетмегенни сорма.
- Халкъны джырын джырласанг, халкъ санга эжиу этер.
- Эрни эр этерик да, къара джер этерик да, тиширыуду.
- Эринчекге кюн узун.
- Кёб джат да, бек чаб.