- Гырджын – тепсини тамадасы.
- Суугъа – чабакъ, къаягъа – ыргъакъ.
- Къарны аманнга къазан такъдырма, къолу аманнга от джакъдырма.
- Терек ауса, отунчу – кёб.
- Баланы адам этген анады.
- Адам къаллай бир ишленмесе, аллай бир кесин уллу кёреди.
- Къартны бурнун сюрт да, оноугъа тут.
- Кёб къычыргъандан – къоркъма, тынч олтургъандан – къоркъ.
- Экиндини кеч къылсанг, чабыб джетер ашхам.
- Кюлме джашха – келир башха.
- Къар – келтирди, суу – элтди.
- Экеу тутушса, биреу джыгъылыр.
- Таукелге нюр джауар.
- Къонагъы джокъну – шоху джокъ.
- Узун джолну барсанг, бюгюн келирсе, къысха джолну барсанг, тамбла келирсе.
- Сагъышы джокъ – джукъучу, акъылы джокъ – къаугъачы.
- Джукъу тёшек сайламайды.
- Ауузу бла къуш тута айланады.
- Юйюнг бла джау болгъандан эсе, элинг бла джау бол.
- Джаным-тиним – окъуу, билим.
- Къанны къан бла джуума, аманны аман бла къуума.
- Тура эдим джата, къайдан чыкъды хата?
- Эринчекни аурууу – кёб.
- Къатыны харакетли болса, эри къымсыз болур.
- Иги сеники эсе да, сюйген кесимикин этеме.
- Ёгюзню мюйюзюнден тутадыла, адамны сёзюнден тутадыла.
- Абынмазлыкъ аякъ джокъ, джангылмазлыкъ джаякъ джокъ.
- Аманнга игилик этсенг, юйюнге сау бармазса.
- Нарт сёз – тилни бети.
- Чакъырылгъанны аты, чакъырылмагъанны багъасы болур.
- Эли джокъну – кёлю джокъ.
- Къолунгдан къуймакъ ашатсанг да, атаны борчундан къутулмазса.
- Джаш къарыу бла кючлю, къарт акъыл бла кючлю.
- Халкъгъа джарагъан, джарлы къалмаз.
- Ёксюзню къалачы уллу кёрюнюр.
- Ёнгкюч къууана барыр, джылай келир.
- Ариу сёз – джаннга азыкъ, аман сёз – башха къазыкъ.
- Ата Джуртун танымагъан, атасын да танымаз.
- Бети къызарыучу адамны, джюреги харам болмаз.
- Тау башында, тау болмаз, джангыз терек, бау болмаз.
- Арбаз сайлама да, хоншу сайла.
- Кёб джат да, бек чаб.
- Сёз къанатсыз учар.
- Кёзню ачылгъаны – иги, ауузну джабылгъаны – иги.
- Атадан ёксюз – бир ёксюз, анадан ёксюз – эки ёксюз.
- Адамны сабийин сюйген джюреги, бычакъча, джитиди.
- Таукел тауну аудурур.
- Хар адамгъа кеси миннген тау кибик.
- Хоншуну тауугъу къаз кёрюнюр, келини къыз кёрюнюр.
- Ашхы болсанг, атынг чыгъар, аман болсанг, джанынг чыгъар.