Халкъны юйю – туугъан джери.
Къарнынг къанлынга кийирир.
Къонакъ аз олтурур, кёб сынар.
Шекер бла туз – бир болмаз, ушамагъан – юй болмаз.
Соргъан айыб тюлдю, билмеген айыбды.
Къатын къылыкъсыз, эр тынчлыкъсыз.
Ойнай-ойнай кёз чыгъар.
Адамны джюреги нени кёрюрге сюйсе, кёзю да аны кёрюрге ёч болады.
Шапа кёб болса, аш татымсыз болур.
Къуру гыбыт бек дыгъырдар.
Адам боллукъ, атламындан белгили болур.
Зарда марда джокъ.
Кёрмегеннге кебек – танг, битмегеннге сакъал – танг.
Тенги кёбню джау алмаз, акъылы кёбню дау алмаз.
Суугъа – чабакъ, къаягъа – ыргъакъ.
Ишлемеген – тишлемез.
Джашлыкъ этмеген, башлыкъ этмез.
Аз сёлешген, къайгъысыз турур.
Кёлю джокъну – джолу джокъ.
Арба аугъандан сора, джол кёргюзтюучю кёб болур.
Оюмсуз атлагъан, аджалсыз ёлюр.
Башланнган иш битер, къымылдагъан тиш тюшер.
Ёлюр джаннга, ёкюл джокъ.
Байлыкъ келсе, акъыл кетер.
Бети къызарыучу адамны, джюреги харам болмаз.
Билмегенинги, билгеннге сор.
Тойну къарнашы – харс, джырны къарнашы – эжиу.
Бек ашыкъгъан меннге джетсин, дегенди аракъы.
Сёз садакъдан кючлюдю.
Таула не мийик болсала да, аууш табылыр.
Аманны къуугъан, аманлыкъ табар.
Ауругъанны сау билмез, ач къарынны токъ билмез.
Билими азны – ауузунда кирит.
Сабийликде юретмесенг, уллу болса – тюзелмез.
Бал чибинни ургъаны – ачы, балы – татлы.
Джарлы эскисин джамаса, къууаныр.
Ойнай билмеген, оюн бузар.
Тил – кесген бычакъ, сёз – атылгъан окъ.
Айран тёгюлсе, джугъусу къалыр.
Ётюрюкню къуйругъу – бир тутум.
Намыс сатылыб алынмайды.
Келгинчи, къонакъ уялыр, келгенден сора, къонакъбай уялыр.
Кюл тюбюндеги от кёрюнмейди.
Нарт сёз – тилни бети.
Ауругъан – джашаудан умутчу.
Чомартны къолун джокълукъ байлар.
Арбаз къынгырды да, ийнек сауалмайма.
Иши джокъну, сыйы джокъ.
Элни кючю – эмеген.
Чабакъгъа акъыл, табагъа тюшсе келеди.
