Нёгер болсанг, тенг бол, тенг болмасанг, кенг бол.
Ишленмеклик адамлыкъды.
Тилчи бир сагъатха айлыкъ хата этер.
Бет бетге къараса, бет да джерге къарар.
Нарт сёз къарт болмаз.
Нафысынгы айтханын этме, намысынгы айтханын эт.
Чакъырылгъанны аты, чакъырылмагъанны багъасы болур.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Сибиртки да сыйлы болду, кюрек да кюнлю болду.
Кесине гебен этелмеген, биреуге черен эте эди.
Билеги кючлю, бирни джыгъар, билими кючлю, мингни джыгъар.
Кёзюнде тереги болгъан, чёбю болгъаннга кюле эди.
Джюрекден джюрекге джол барды.
Азыкълы ат арымаз, къатыны аман джарымаз.
Къан бла кирген, джан бла чыгъар.
Юре билмеген ит, къонакъ келтирир.
Эл ауузу – элек, анга ийнаннган – халек.
Уллу сёзде уят джокъ.
Адам сёзюнден белгили.
Кийимни бир кюнню аясанг, минг кюннге джарар.
Айырылмаз джууугъунга, унутмаз сёзню айтма.
Чыкълы кюнде чыкъмагъан, чыкъса къуру кирмеген.
Бек анасы джыламаз.
Сёз – кюмюш, джыр – алтын.
Башы ишлегенни, ауузу да ишлер.
Бетинги сатма, малынгы сат.
Къарт айтханны этмеген, къартаймаз.
Адамны артындан къара сабан сюрме.
Бюгюн дуния кибик, тамбла ахыратды.
Тойгъа барсанг, тоюб бар, эски тонунгу къоюб бар.
Артына баргъанны, къатына барма.
Ашда – бёрю, ишде – ёлю.
Чомартны къолу берекет.
Къызны минг тилер, бир алыр.
Джырчы ёлсе, джыры къалыр.
Тойчу джашха къарама, къойчу джашха къара.
Джюрекге ариу – кёзге да ариу.
Акъыл аздырмаз, билим тоздурмаз.
Адамны аманы адамны бети бла ойнар.
Адам бла мюлк юлешмеген эсенг, ол адамны билиб бошагъанма, деб кесинги алдама.
Адамны аты башхача, акъылы да башхады.
Тин – байлыгъынг, терен саулугъунг.
Чомарт бергенин айтмаз.
Ауузу бла къуш тута айланады.
Джылыгъа джылан илешир.
Ётюрюкню башын керти кесер.
Билимден уллу байлыкъ джокъду.
Аманнга да, игиге да оноусуз къатышма.
Джангызны оту джарыкъ джанмаз!
Тойгъан джерден туугъан джер игиди.
