Къартны бурнун сюрт да, оноугъа тут.
Бал чибинни ургъаны – ачы, балы – татлы.
Кесинг сынамагъан затны, адамгъа буюрма.
Этим кетсе да, сюегим къалыр.
Хар адамгъа кеси миннген тау кибик.
Юйюнгден чыкъдынг – кюнюнгден чыкъдынг.
Билмегенинги, билгеннге сор.
Аякъларынгы джууургъанынга кёре узат.
Келлик заман – къартлыкъ келтирир, кетген заман – джашлыкъ ёлтюрюр.
Тёрени джагъы джокъ.
Аллахха ийнаннган кишини, Аллах онгдурур ишин.
Аз айтсам, кёб ангылагъыз.
Адам туугъан джеринде, ит тойгъан джеринде.
Ат басханны джер билед.
Эрине къаргъыш этген къатын, эрнин къабар.
Окъдан джара эртде-кеч болса да бителир, сёз джара, ёмюрге къалыр.
Эркишиге тары кебек танг кёрюнюр.
Ашатыргъа иш – ашхы, ишлетирге аш – ашхы.
Зарда марда джокъ.
Джогъун бар этген, барын бал этген.
Суугъа – чабакъ, къаягъа – ыргъакъ.
Айранны сюйген, ийнек тутар.
Ёксюзню къалачы уллу кёрюнюр.
Ач отунчуну ачыуу – бурнунда.
Эртде тургъан бла эртде юйленнген сокъуранмаз.
Хаухну атма, ёнгкючню сатма.
Ашха уста, юйюнде болсун
Адебсиз адам – джюгенсиз ат.
Адамгъа аман кюн соруб келмейди.
Таукел адам тау тешер.
Аурууну келиую тынч, кетиую – къыйын.
Борчунг бар эсе, хурджунунга ойлаб узал.
Чакъырылмай келген къонакъ сыйланмай кетер.
Байлыкъ келсе, акъыл кетер.
Къызны минг тилер, бир алыр.
Туз, гырджын аша, тюзлюк бла джаша.
Адеб этмеген, адеб кёрмез.
Рысхысына кёре, джаш ёсер, къышлыгъына кёре, мал ёсер.
Урунуу – насыбны анасы.
Къонакъ хазыр болгъанлыкъгъа, къонакъбай хазыр тюлдю.
Бермеген къол, алмайды.
Нафысынгы айтханын этме, намысынгы айтханын эт.
Кечеси – аяз, кюню – къыш, джарлы къаргъагъа бир аш тюш!
Къазанны башы ачыкъ болса, итге уят керекди.
Гырджын – тепсини тамадасы.
Джюрек кёзден алгъа кёрюр.
Къызын тута билмеген, тул этер, джашын тута билмеген, къул этер.
Юреннген ауруу къалмаз.
Ышармагъан – кюлмез, кюлмеген – къууанчны билмез.
Ишге юренсин къоллары, халкъ бла болсун джоллары.
