Окъ къызбайны джокълайды.
Насыб бютеу халкъны юлюшюдю.
Чомартны къолун джокълукъ байлар.
Рысхы – насыбха къор.
Ётюрюкню къуйругъу – бир тутум.
Эл бла кёргенинг эрелей.
Эр сокъур болсун, къатын тилсиз болсун.
Чоюнну башы ачыкъ болса, итге уят керекди.
Айырылмаз джууугъунга, унутмаз сёзню айтма.
Рысхысына кёре, джаш ёсер, къышлыгъына кёре, мал ёсер.
Ашлыкъны арба юйге келтирир, чана базаргъа элтир.
Кёзю сокъурдан – къоркъма, кёлю сокъурдан – къоркъ.
Чалманны аллы къалай башланса, арты да алай барады.
Халкъны юйю – туугъан джери.
Юре билмеген ит, къонакъ келтирир.
Башы джабылгъан челекге, кир тюшмез.
Ашатыргъа иш – ашхы, ишлетирге аш – ашхы.
Адам сёзюнден белгили.
Тойгъан антын унутур.
Мухардан ач ычхынмаз.
Дуния аламаты сен эсенг да, игиме деб айтма.
Эски джаугъа ышанма.
Аджашханны ызындагъы кёреди, джангылгъанны джанындагъы биледи.
Джумушакъ терекни къурт ашар.
Тили узунну, намысы – къысха.
Ёгюзню мюйюзлери ауурлукъ этмейдиле.
Окъуу – билимни ачхычы, окъуу – дунияны бачхычы.
Уллу сёлешме да, уллу къаб.
Ана къолу ачытмаз.
Иги болса, тамадама – махтау, аман болса, меннге – айыб.
Ишни аллы бла къууанма да, арты бла къууан.
Билеги кючлю, бирни джыгъар, билими кючлю, мингни джыгъар.
Джангыз терек къынгыр ёсер.
Игилик игилик бла сингдирилиучю затды.
Эринчекни эр алмаз, эр алса да, кёл салмаз, кёл салса да, кёб бармаз!
Ат да турмайды бир териде.
Тил – кесген бычакъ, сёз – атылгъан окъ.
Акъылсызны джууукъгъа алма, акъыллыны кенгнге салма.
Бастасын ашагъан, хантусун да ичер.
Мал тутхан – май джалар.
Къар – келтирди, суу – элтди.
Къарны аманнга къазан такъдырма, къолу аманнга от джакъдырма.
Окъдан джара эртде-кеч болса да бителир, сёз джара, ёмюрге къалыр.
Элде адам къалмаса, ит тахтагъа минер.
Тюзлюк шохлукъну бегитир.
Ашха уста, юйюнде болсун
Эрни эр этерик да, къара джер этерик да, тиширыуду.
Садакъачыны джаны – къапчыгъында.
Иги – алгъыш этер, аман – къаргъыш этер.
Кёзню ачылгъаны – иги, ауузну джабылгъаны – иги.
