Къазанчы аман болса, къазаны къайнамаз.
Сибиртки да сыйлы болду, кюрек да кюнлю болду.
Къартха ушагъан джаш – акъыллы, джашха ушагъан къарт – тели.
Башынга джетмегенни сорма.
Джолунга кёре – джюрюшюнг, джагъанга кёре – юлюшюнг.
Элге къуллукъ этмеген, элге ие болмаз.
Хар адамгъа кеси миннген тау кибик.
Дууулдаса – бал чибин, къонса – къара чибин.
Айтылгъан буйрукъ, сёгюлмез
Эллинг бла джау болсанг да, юйюнг бла джау болма.
Окъ къызбайны джокълайды.
Аман адам элни бир-бирине джау этер.
Адам къыйынлыгъын кёлтюрюр, зауукълугъун кёлтюрмез.
Миллетни бойну – базыкъ, аны бла кюрешген – джазыкъ.
Баргъанынга кёре болур келгенинг.
Суу да къайтады чыкъгъан джерине.
Ачны эсинде – аш.
Махтаннган къыз, тойда джукълар.
Джукъу тёшек сайламайды.
Джыланны къуйругъундан басарынг келсе, аны башы болгъанын унутма.
Чарсда алчыны эл кёреди.
Хатерли къул болур.
Къызбайны юйюне дери сюрсенг, батыр болур.
Артына баргъанны, къатына барма.
Рысхысына кёре, джаш ёсер, къышлыгъына кёре, мал ёсер.
Ач да бол, токъ да бол – намысынга бек бол.
Бюгюн дуния кибик, тамбла ахыратды.
Душманны тышы – акъ, ичи – къара.
Башсыз урчукъ тюзюне айланмаз.
Эркиши – от, тиширыу – суу.
Иги – алгъыш этер, аман – къаргъыш этер.
Джарлы джети элни сёзюн этер.
Эшекге миннген – биринчи айыб, андан джыгъылгъан – экинчи айыб.
Таукел тауну аудурур.
Джашлыкъ этмеген, башлыкъ этмез.
Аманны тукъумуна къарама, игини тукъумун сорма.
Чакъырылмагъан джерге барма, чакъырылгъан джерден къалма.
Гитче джилтин уллу элни джандырыр.
Олтуруб кёрюнмей эди да, ёрге туруб кёрюне эди.
Къолу уллу – асыу, аягъы уллу – джарсыу.
Джаным-тиним – окъуу, билим.
Уруну арты – къуру.
Кийиминг бла танылма, адамлыкъ бла таныл.
Ауругъан – джашаудан умутчу.
Къыз тиширыу кеси юйюнде да къонакъды.
Ёгюзню мюйюзюнден тутадыла, адамны сёзюнден тутадыла.
Бойнуму джети джерден кессенг да, мен ол ишни этеллик тюлме.
Къызны минг тилер, бир алыр.
Аллахха ийнаннган кишини, Аллах онгдурур ишин.
Аманнга да, игиге да оноусуз къатышма.
