Ашына кёре табагъы, балына кёре къалагъы.
Къыйынлы джети элни къайгъысын этер.
Тойгъан джерге джети къайт.
Джангыз терек къынгыр ёсер.
Халкъны юйю – туугъан джери.
Тенги кёбню джау алмаз, акъылы кёбню дау алмаз.
Чомартха хар кюн да байрамды.
Аш берме да, къаш бер.
Къуллукъчума, деб махтанма, къуллукъ – хаух джамчыды!
Биреуге аманлыкъ этиб, кесинге игилик табмазса.
Эркишини аманы тиширыуну джылатыр.
Аманнга игилик этсенг, юйюнге сау бармазса.
Джюрек кёзден алгъа кёрюр.
Чомарт къонакъ юй иесин сыйлар.
Кёбден умут этиб, аздан къуру къалма.
Керилген да, ургъан кибикди.
Ач къалгъандан, кеч къалгъан къолай.
Бозаны арты дауур болур.
Джылыгъа джылан илешир.
Хаухну атма, ёнгкючню сатма.
Урунуу – насыбны анасы.
Билим – акъылны чырагъы.
Арбаз сайлама да, хоншу сайла.
Ариу джол аджал келтирмез.
Татлы сёз – балдан татлы.
Терслик кетер, тюзлюк джетер.
Джаш болсун, къыз болсун, акъылы, саны тюз болсун.
Къулакъдан эсе, кёзге ышан.
Илму – джашауну джолу.
Тау башында, тау болмаз, джангыз терек, бау болмаз.
Ойнай билмеген, уруб къачар.
Юреннген ауруу къалмаз.
Джаш къарыу бла кючлю, къарт акъыл бла кючлю.
Аман къатын сабий табса, бий болур…
Сакъ юйюне сау барыр.
Сууда джау джокъ, кёб сёзде магъана джокъ.
Джахил болса анасы, не билликди баласы?
Джол бла сёзню къыйыры джокъ.
Кийимни бир кюнню аясанг, минг кюннге джарар.
Келинин тута билмеген, къул этер, къызын тута билмеген, тул этер.
Бёрю да ач къалмасын, эчки да ашалмасын.
Тешик этген тынчды, аны джамагъан къыйынды.
Джетген къыз джерли эшекни танымаз.
Айтылгъан сёз ызына къайтмаз.
Тюз сёз баргъан сууну тыяр.
Башсыз урчукъ тюзюне айланмаз.
Рысхы – сют юсюнде кёмюк кибикди.
Ана кёлю – балада, бала кёлю – талада.
Хоншуну тауугъу къаз кёрюнюр, келини къыз кёрюнюр.
Джарлы тюеге минсе да, ит къабар.
