Тенгни тенглиги джашай барсанг билинир.
От этилмеген джерден тютюн чыкъмайды.
Къартны сыйын кёрмеген, къартлыгъында сыйлы болмаз.
Ач да бол, токъ да бол – намысынга бек бол.
Ашын ашагъанынгы, башын да сыйла.
Къазанны башы ачыкъ болса, итге уят керекди.
Шекер бла туз – бир болмаз, ушамагъан – юй болмаз.
Тилчи тилден къаныкъмаз.
Битмегеннге сакъал – танг.
Арба аугъандан сора, джол кёргюзтюучю кёб болур.
Уллу сёзде уят джокъ.
Миллетни бойну – базыкъ, аны бла кюрешген – джазыкъ.
Джерни букъусу кёкге къонмаз.
Кёбге таш атма.
Къарт айтханны этмеген, къартаймаз.
Билимсиз иш бармаз.
Ач отунчуну ачыуу – бурнунда.
Кёпюр салгъан кеси ётер, уру къазгъан кеси кетер.
Мени джылытмагъан кюн, меннге тиймесин!
Ойнаб айтсанг да, эслеб айт.
Булут кёкге джарашыу, уят бетге джарашыу.
Ашхылыкъ джерде джатмайды, аманлыкъ суугъа батмайды.
Терслик кетер, тюзлюк джетер.
Айыбны суу бла джууалмазса.
Ишни аллы бла къууанма да, арты бла къууан.
Ичимден чыкъды хата, къайры барайым сата?
Юйюнгден чыкъдынг – кюнюнгден чыкъдынг.
Таукел къуру къалмаз.
Ургъан суудан башынгы сакъла.
Кюн – узун, ёмюр – къысха.
Адам къаллай бир ишленмесе, аллай бир кесин уллу кёреди.
Тил – кесген бычакъ, сёз – атылгъан окъ.
Къыз чыгъаргъан – къызыл къымжа.
Билеги кючлю, бирни джыгъар, билими кючлю, мингни джыгъар.
Ётюрюкден тюбю джокъ, кёлтюрюрге джиби джокъ.
Адамны сыфатына къарама, сёзюне къара.
Уясында не кёрсе, учханында аны этер.
Къайтырыкъ эшигинги, къаты уруб чыкъма.
Тиширыусуз юй – отсуз от джагъа.
Садакъачыны джаны – къапчыгъында.
Ашаса, ашамаса да, бёрюню ауузу – къан.
Джаралыны джастыгъында сау ёлюр.
Кесинге джетмегенни, кёб сёлешме.
Эки итни арасына сюек атма, эки адамны арасында сёз чыгъарма.
Тили узунну, намысы – къысха.
Аман адам этегингден тутса, кес да къач.
Экеу тутушса, биреу джыгъылыр.
Онгсузну – джакъла, тенгликни – сакъла.
Аманнга игилик этсенг, юйюнге сау бармазса.
Аджашханны ызындагъы кёреди, джангылгъанны джанындагъы биледи.
