Джыгъылгъанны сырты джерден тоймаз.
Джарлы эскисин джамаса, къууаныр.
Кенгеш болса, уруш болмаз.
Къазанны башы ачыкъ болса, итге уят керекди.
Керти сёзге тёре джокъ.
Татлы тилде – сёз ариу, чемер къолда – иш ариу.
Чомартны къолу берекет.
Эте билген, этген этеди, эте билмеген, юретген этеди!
Ёлюр джаннга, ёкюл джокъ.
Къызны минг тилер, бир алыр.
Ариу – кёзге, акъыл – джюрекге.
Ауурну тюбю бла, дженгилни башы бла джюрюген.
Хазыр ашха – терен къашыкъ.
Джетген къыз джерли эшекни танымаз.
Ач къарынны, токъ билмез
Ёнгкюч къууана барыр, джылай келир.
Ёксюзню тилеги къабыл болур.
Аджашханны ызындагъы кёреди, джангылгъанны джанындагъы биледи.
Аман хансны – урлугъу кёб.
Ашарыкъда сайлагъаннга – чий гырджын.
Окъдан джара эртде-кеч болса да бителир, сёз джара, ёмюрге къалыр.
Магъанасыз сёз – тауушсуз сыбызгъы.
Кёзден кетген, кёлден да кетеди.
Баланы адам этген анады.
Аман адам элни бир-бирине джау этер.
Тенгинг джокъ эсе – изле, бар эсе – сакъла!
Мухарны эси – ашарыкъда.
Адам туугъан джеринде, ит тойгъан джеринде.
Адамны адамлыгъы къыйынлыкъда айгъакъланады.
Хунаны тюбюн къазсанг, юсюнге ауар.
Адеб этмеген, адеб кёрмез.
Къайтырыкъ эшигинги, къаты уруб чыкъма.
Телиге от эт десенг, юйюнге от салыр.
Эл элде бирер малынг болгъандан эсе, бирер тенгинг болсун.
Адебни адебсизден юрен.
Джырчы ёлсе, джыры къалыр.
Къолу уллу – асыу, аягъы уллу – джарсыу.
Аллахха ийнаннган кишини, Аллах онгдурур ишин.
Къарын къуру болса, джюрек уру болур.
Бет бетге къараса, бет да джерге къарар.
Алтыннга тот къонмаз.
Харам къарнашдан, халал тенг ашхы.
Урунуу – насыбны анасы.
Ата Джуртуму башы болмасам да, босагъасында ташы болайым.
Чомартны къолун джокълукъ байлар.
Къарны аманнга къазан такъдырма, къолу аманнга от джакъдырма.
Окъугъан – асыу, окъумагъан – джарсыу.
Аякъларынгы джууургъанынга кёре узат.
Тойгъанлыкъ къойгъа джарашады.
Таукелге нюр джауар.
