Ауругъанны сау билмез, ач къарынны токъ билмез.
Керти сёзге тёре джокъ.
Билимден уллу байлыкъ джокъду.
Киштикге къанат битсе, чыпчыкъ къалмаз эди.
Кюн кёрмеген, кюн кёрсе, кюндюз чыракъ джандырыр.
Джаралыны джастыгъында сау ёлюр.
Джан саулукъ бермей, сан саулукъ бермезсе.
Уллу къашыкъ эрин джыртар.
Телиге акъыл салгъандан эсе, ёлгеннге джан салырса.
Билим насыб берир, билим джолну керир.
Джол бла сёзню къыйыры джокъ.
Джумушакъ сёз къаты таякъны сындырыр.
Окъуусуз билим – джокъ, билимсиз кюнюнг – джокъ.
Сууда джау джокъ, кёб сёзде магъана джокъ.
Бюгюн дуния кибик, тамбла ахыратды.
Аш хазыр болса, иш харам болур.
Этни бети бла шорпасы.
Татлы сёз – балдан татлы.
От кюйдюрген, сау болса да, тот кюйдюрген, сау болмаз.
Ёпкелегенни ашы татлы болады.
Джыгъылгъанны сырты джерден тоймаз.
Къызгъанчдан ычхыныр, мухардан ычхынмаз.
Ашыкъгъанны этеги бутуна чырмалыр.
Накъырда – кертини келечиси.
Башсыз урчукъ тюзюне айланмаз.
Аманны эки битли тону болур, бирин сеннге кийдирир, бирин кеси киер.
Къонагъынгы артмагъын алма да, алгъышын ал.
Тик ёргени, тик энгишгеси да болады.
Ата Джуртуму башы болмасам да, босагъасында ташы болайым.
Адеб базарда сатылмаз.
Къуллукъчума, деб махтанма, къуллукъ – хаух джамчыды!
Ишни аллы бла къууанма да, арты бла къууан.
Ариуну – ауруу кёб.
Таукелге нюр джауар.
Аман къатын алгъан, арыр, иги къатын алгъан джарыр.
Чомартны къолун джокълукъ байлар.
Хоншуну тауугъу къаз кёрюнюр, келини къыз кёрюнюр.
Чомарт къонакъ юй иесин сыйлар.
Джюрекден джюрекге джол барды.
Джеринден айырылгъан – джети джылар, джуртундан айырылгъан – ёлгюнчю джылар.
Миллетни бойну – базыкъ, аны бла кюрешген – джазыкъ.
Алма терегинден кери кетмез.
Ашхы сёз таш тешер.
Хатерли къул болур.
Дуния мал дунияда къалады.
Ашха уста, юйюнде болсун
Аманны къуугъан, аманлыкъ табар.
Мал ёлсе, сюек къалыр, адам ёлсе, иши къалыр.
Аякъларынгы джууургъанынга кёре узат.
Тас болгъан бычакъны сабы – алтын.
