Къыз чыгъаргъан – къызыл къымжа.
Чомартха Тейри да борчлуду.
Кютгени беш эчки, сызгъыргъаны уа, джерни джарады.
Шекер бла туз – бир болмаз, ушамагъан – юй болмаз.
Сёлеш деб шай берген, тохта деб, сом берген.
Этни да ашады, бетни да ашады.
Байма, деб да, къууанма, джарлыма, деб да, джылама.
Джылыгъа джылан илешир.
Бир абыннган – минг сюрюнюр.
Кёл – къызбай, къол – батыр.
Тенгинг джокъ эсе – изле, бар эсе – сакъла!
Ётген ёмюр – акъгъан суу.
Атынг аманнга чыкъгъандан эсе, джанынг тамагъынгдан чыкъсын.
Таш бла ургъанны, аш бла ур.
Джерни букъусу кёкге къонмаз.
Адам боллукъ, атламындан белгили болур.
Сангырау къулакъ эл бузар.
Кенгеш болса, уруш болмаз.
Къая джолда джортма, ачыкъ сёзден къоркъма.
Къартны бурнун сюрт да, оноугъа тут.
Къыз келсе, джумуш эте келеди, къатын келсе, ушакъ эте келеди.
Бал чибинни ургъаны – ачы, балы – татлы.
Адамгъа аман кюн соруб келмейди.
Къан бла кирген, джан бла чыгъар.
Окъуусуз билим – джокъ, билимсиз кюнюнг – джокъ.
Кечеси – аяз, кюню – къыш, джарлы къаргъагъа бир аш тюш!
Арпа, будай – ащды, алтын, кюмюш а – ташды.
Джуртун къоругъан озар.
Айраннга суу къош, телиге джол бош.
Баш болса, бёрк табылыр.
Хар зат кесини орнуна иги.
Термилгенинги табмазса, кюлгенинге тюберсе.
Къонакъ кёб келюучю юйню, къазаны отдан тюшмез.
Тойгъан джерге джети къайт.
Кесине гебен этелмеген, биреуге черен эте эди.
Сабийни джумушха джибер да, ызындан бар.
Кюн кёрмеген, кюн кёрсе, кюндюз чыракъ джандырыр.
Эркишини аманы тиширыуну джылатыр.
Тёрде – темир таякълы, къаяда – чыпчыкъ аякълы.
Джети тилни билген джети кишиди.
Тай асырагъан, атха минер.
Ач бёрюге мекям джокъ.
Джогъун бар этген, барын бал этген.
Биреуню къыйынлыгъы бла кесинге джол ишлеме.
Байны къызы баймакъ болса да, юйде къалмаз!
Джыгъылгъанны сырты джерден тоймаз.
Иги бла джюрюсенг, джетерсе муратынга, аман бла джюрюсенг, къалырса уятха.
Адамны джюреги нени кёрюрге сюйсе, кёзю да аны кёрюрге ёч болады.
Ушамагъан – джукъмаз.
Окъуу – билимни ачхычы, окъуу – дунияны бачхычы.
