Джол бла сёзню къыйыры джокъ.
Джумушакъ сёз къаты таякъны сындырыр.
Aдам боллукъ, сыфатындан белгили.
Ариу джол аджал келтирмез.
Абынмазлыкъ аякъ джокъ, джангылмазлыкъ джаякъ джокъ.
Къарнынг тойгъунчу аша да, белинг талгъынчы ишле.
Нарт сёз – тилни бети.
Суугъа – чабакъ, къаягъа – ыргъакъ.
Киштикге къанат битсе, чыпчыкъ къалмаз эди.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Таугъа чыгъаллыкъ эсенг, тюзде къалма.
Шекер бла туз – бир болмаз, ушамагъан – юй болмаз.
Ёксюзню къалачы уллу кёрюнюр.
Иши джокъну, сыйы джокъ.
Аурууну келиую тынч, кетиую – къыйын.
Бюгюн дуния кибик, тамбла ахыратды.
Кёбге таш атма.
Агъач – джерни чырайы, кийим – эрни чырайы.
Кесинг сынамагъан затны, адамгъа буюрма.
Тойчу джашха къарама, къойчу джашха къара.
Чомартха хар кюн да байрамды.
Урунуу – насыбны анасы.
Ач, тоймам, дейди, тойгъан, ач болмам, дейди.
Иги сеники эсе да, сюйген кесимикин этеме.
Ханы къызы буюгъа-буюгъа киштик болду.
Иги джашны ышаны – аз сёлешиб, кёб тынгылар.
Биреуню къыйынлыгъы бла кесинге джол ишлеме.
Ашхы атаны – джашы ашхы, ашхы ананы – къызы ашхы.
Эрни эр этерик да, къара джер этерик да, тиширыуду.
Гугурук къычырмаса да, тангны атары къалмаз.
Алтыда кюлмеген, алтмышда кюлмез.
Кёб джат да, бек чаб.
Термилгенинги табмазса, кюлгенинге тюберсе.
Татлы сёз – балдан татлы.
Бастасын ашагъан, хантусун да ичер.
Телини эшигин, махтау джабар.
Къазанчы аман болса, къазаны къайнамаз.
Азыгъы аз, алгъа къабар, аты аман, алгъа чабар.
Эл ауузу – элия.
Эки къатын алгъан – эки ташны ортасына башын салгъан.
Акъыллы – эл иеси, тели – эл баласы.
Къарнынг бла ёч алма.
Сёз – кюмюш, джыр – алтын.
Келинни – келгинчи, бёркню кийгинчи кёр.
Джаным-тиним – окъуу, билим.
Башсыз урчукъ тюзюне айланмаз.
Аш иеси бла татлыды.
Айтханы чапыракъдан ётмеген.
Джарашыу сюйген – джалынчакъ.
Кёб джашагъан – кёб билир.
