Адамны аманы адамны бети бла ойнар.
Чоюнну башы ачыкъ болса, итге уят керекди.
Эркишини аманы тиширыуну джылатыр.
Ач къалгъандан, кеч къалгъан къолай.
Тамырсыз терекге таянма – джыгъылырса.
Хантына кёре тузу, юйюне кёре къызы.
Сёз садакъдан кючлюдю.
Къартны сыйын кёрмеген, къартлыгъында сыйлы болмаз.
Берекет берсин деген джерде, берекет болур.
Джылар джаш, атасыны сакъалы бла ойнар.
Бозанг болмагъан джерге, къалагъынгы сукъма.
Адамны сыфатына къарама, сёзюне къара.
Ариу сёзде ауруу джокъ.
Къан бла кирген, джан бла чыгъар.
Джюрек кёзден алгъа кёрюр.
Эки элинги тыйсанг, джети элде махталырса.
Джырчы ёлсе, джыры къалыр.
Ата джурт – алтын бешик.
Айтханы чапыракъдан ётмеген.
Ашхы болсанг, атынг чыгъар, аман болсанг, джанынг чыгъар.
Къошда джокъгъа – юлюш джокъ.
Атлыны ашхысы, ат тизгининден билинир
Ёлюк кебинсиз къалмаз.
Къайгъы тюбю – тенгиз.
Терек ауса, отунчу – кёб.
Эрине къаргъыш этген къатын, эрнин къабар.
Эр сокъур болсун, къатын тилсиз болсун.
Аджашхан тёгерек айланыр.
Чабакъсыз кёлге къармакъ салгъанлыкъгъа, чабакъ тутмазса.
Ётюрюк хапар аякъ тюбю бла джюрюйдю.
Мал тутхан – май джалар.
Халкъгъа джарагъан, джарлы къалмаз.
Ишленмеклик адамлыкъды.
Билимсиз иш бармаз.
Мухар, кеси тойса да, кёзю тоймаз.
Ат басханны джер билед.
Эл тойса, тоймагъан, эл къойса, къоймагъан.
Къонакъ хазыр болгъанлыкъгъа, къонакъбай хазыр тюлдю.
Байлыкъ тауусулур, билим тауусулмаз.
Баргъанынга кёре болур келгенинг.
Къызбайны юйюне дери сюрсенг, батыр болур.
Ким бла джюрюсенг, аны кёзю бла кёрюнюрсе.
Хар ишни да аллы къыйынды.
Таякъ этден ётер, тил сюекден ётер.
Тай асырагъан, атха минер.
Ёгюзню мюйюзлери ауурлукъ этмейдиле.
Бёрю да ач къалмасын, эчки да ашалмасын.
Чомартны къолун джокълукъ байлар.
Къарнынг тойгъунчу аша да, белинг талгъынчы ишле.
Дуния малгъа сатылма, кесингден телиге къатылма.
