Къозулугъунда тоймагъан, къойлугъунда тоймаз.
Юй кюйдю да, кюйюз чыкъды, ортасындан тюйюш чыкъды.
Тик ёргени, тик энгишгеси да болады.
Ушамагъан – джукъмаз.
Кесине оноу эте билмеген, халкъына да эте билмез.
Ётюрюк хапар аякъ тюбю бла джюрюйдю.
Адамны сабийин сюйген джюреги, бычакъча, джитиди.
Ашын ашагъанынгы, башын да сыйла.
Ариу сёз – къылычдан джити.
Ишни аллы бла къууанма да, арты бла къууан.
Кечеси – аяз, кюню – къыш, джарлы къаргъагъа бир аш тюш!
«Ма», - дегенни билмесенг, «бер», - дегенни билмезсе.
Эл элде бирер малынг болгъандан эсе, бирер тенгинг болсун.
Илму – джашауну джолу.
Эки къатын алгъан – эки ташны ортасына башын салгъан.
Мал кёб болса, джууукъ кёб болур.
Босагъа таш юйге кирмей эди, тыбыр таш эшикге чыкъмай эди.
Ач къарынны, токъ билмез
Къартха ушагъан джаш – акъыллы, джашха ушагъан къарт – тели.
Айтхан сёзюне табылгъан.
Чомартны къолун джокълукъ байлар.
Кёрмегеннге кебек – танг, битмегеннге сакъал – танг.
Джарашыу сюйген – джалынчакъ.
Элни кючю – эмеген.
Оюмсуз атлагъан, аджалсыз ёлюр.
Джуртун къоругъан озар.
Эли джокъну – кёлю джокъ.
Ашыкъгъанны этеги бутуна чырмалыр.
Ётген ёмюр – акъгъан суу.
Билгенни къолу къарны джандырыр.
Кийим тукъум сордурур.
Ариу сёзде ауруу джокъ.
Джетген къыз джерли эшекни танымаз.
Къан бла кирген, джан бла чыгъар.
Акъыллы эркиши атын махтар, акъылсыз эркиши къатынын махтар.
Сангырау къулакъ эл бузар.
Акъдан къара болмаз.
Тешигини къатында, чычхан да батыр болур.
Экиндини кеч къылсанг, чабыб джетер ашхам.
Мухарны эси – ашарыкъда.
Джырына кёре эжиую.
Айранны сюйген, ийнек тутар.
Этни бети бла шорпасы.
Джангызны оту джарыкъ джанмаз!
Тойгъандан сора, ашны сёкме.
Кёб ашасанг, татыуу чыкъмаз, кёб сёлешсенг, магъанасы чыкъмаз.
Къызын тута билмеген, тул этер, джашын тута билмеген, къул этер.
Элиб деген, элге болушур.
Джаз бир кюнню джатсанг, къыш талай кюнню абынырса.
Айныгъанлы алты кюн, тогъайгъанлы тогъуз кюн.
