Бети – къучакълар, джюреги – бычакълар.
Окъумагъан сокъурду, сокъур ташха абыныр!
Эл тойса, тоймагъан, эл къойса, къоймагъан.
Ауругъаннга – кийик саулукъ, джетген къызгъа – чилле джаулукъ.
Болджал ишни бёрю ашар.
Адамны сабийин сюйген джюреги, бычакъча, джитиди.
Ауругъанны сау билмез, ач къарынны токъ билмез.
Ишленмеген джаш – джюгенсиз ат, ишленмеген къыз – тузсуз хант.
Джогъун бар этген, барын бал этген.
Хата – гитчеден.
Мадар болса, къадар болур.
Биреуню тёрюнден, кесинги эшик артынг игиди.
Мен да «сен», дейме, сен да «кесим», дейсе.
Шайтан алдады, тюзлюк къаргъады.
Халкъны джырын джырласанг, халкъ санга эжиу этер.
Акъыллы эркиши атын махтар, акъылсыз эркиши къатынын махтар.
Байдан умут эте, джарлыдан ёгюз багъасы къорады.
Биреу ашаб къутулур, биреу джалаб тутулур.
Аурууну келиую тынч, кетиую – къыйын.
Къонакъ кёб келюучю юйню, къазаны отдан тюшмез.
Термилгенинги табмазса, кюлгенинге тюберсе.
Айранын берсенг, челегин да къызгъанма.
Сабий кёргенин унутмаз.
Окъдан джара эртде-кеч болса да бителир, сёз джара, ёмюрге къалыр.
Кенгеш болса, уруш болмаз.
Ашда – бёрю, ишде – ёлю.
Сакъалы текени да бар, мыйыгъы киштикни да бар.
Шекер бла туз – бир болмаз, ушамагъан – юй болмаз.
Тилде сюек болмаса да, сюек сындырыр.
Кесине оноу эте билмеген, халкъына да эте билмез.
Арбаз къынгырды да, ийнек сауалмайма.
Экиндини кеч къылсанг, чабыб джетер ашхам.
Ашха уста, юйюнде болсун
Ашхылыкъ джерде джатмайды, аманлыкъ суугъа батмайды.
Тилчи бир сагъатха айлыкъ хата этер.
Баш – акъыл ючюн, акъылман – халкъ ючюн.
Кеси юйюмде мен да ханма.
Бал – татлы, балдан да бала – татлы.
Адеби болмагъан къыз – тузсуз хант.
Берекет берсин деген джерде, берекет болур.
Аман адам элни бир-бирине джау этер.
Адамны сыфатына къарама, сёзюне къара.
Билмейме деген – бир сёз
Битмегеннге сакъал – танг.
Сакъламагъан затынга джолукъсанг, не бек къууанаса, не бек ачыйса.
Къартха ушагъан джаш – акъыллы, джашха ушагъан къарт – тели.
Ач да бол, токъ да бол – намысынга бек бол.
Нёгерсизни джолу узун.
Таукелге нюр джауар.
Ашхы адам – халкъ байлыгъы, ашхы джер – джашау байлыгъы.
