Расширенный поиск
1 Мая 2024 года
Логин: Регистрация
Пароль: Забыли пароль?
Навигация
Словарь
  • Чомартха Тейри да борчлуду.
  • Акъылсызны джууукъгъа алма, акъыллыны кенгнге салма.
  • Аш иеси бла татлыды.
  • Иги – алгъыш этер, аман – къаргъыш этер.
  • Айран тёгюлсе, джугъусу къалыр.
  • Къарнынг къанлынга кийирир.
  • Бал ашаргъа сюе эсенг, чибин ургъаннга тёз.
  • Кёлсюзден сёзсюз тууар.
  • Къар – келтирди, суу – элтди.
  • Танг атмайма десе да, кюн къоярыкъ тюйюлдю.
  • Аманны эки битли тону болур, бирин сеннге кийдирир, бирин кеси киер.
  • Къазанчы аман болса, къазаны къайнамаз.
  • Джетген къыз джерли эшекни танымаз.
  • Юреннген ауруу къалмаз.
  • Башланнган иш битер, къымылдагъан тиш тюшер.
  • Аш берме да, къаш бер.
  • Бёрю да ач къалмасын, эчки да ашалмасын.
  • Къолу уллу – асыу, аягъы уллу – джарсыу.
  • Онгсузну – джакъла, тенгликни – сакъла.
  • Хоншуну тауугъу къаз кёрюнюр, келини къыз кёрюнюр.
  • Бозаны арты дауур болур.
  • Кёкдеги болмаса, джердегин кёрмейди.
  • Джаралыны джастыгъында сау ёлюр.
  • Адамны сабийин сюйген джюреги, бычакъча, джитиди.
  • Ачыу алгъа келсе, акъыл артха къалады.
  • Рысхы джалгъанды: келген да этер, кетген да этер.
  • Суугъа – чабакъ, къаягъа – ыргъакъ.
  • Чакъырылмай келген къонакъ сыйланмай кетер.
  • Орундукъ тюбюнде атылсам да, орта джиликме, де да айлан.
  • Ата джурт – алтын бешик.
  • Огъурлуну сёзю – суу, огъурсузну сёзю – уу.
  • Къайгъыны сюйген, къайгъы табар.
  • Джолда аягъынга сакъ бол, ушакъда тилинге сакъ бол.
  • Къызын тута билмеген, тул этер, джашын тута билмеген, къул этер.
  • Нёгерсизни джолу узун.
  • Насыб бютеу халкъны юлюшюдю.
  • Аманнга игилик этсенг, юйюнге сау бармазса.
  • Ач бёрюге мекям джокъ.
  • Босагъагъа джууукъ орун болса, ашыгъыб тёрге озма.
  • Ашатыргъа иш – ашхы, ишлетирге аш – ашхы.
  • Джуртун къоругъан озар.
  • Къонакъ аз олтурур, кёб сынар.
  • Ана къолу ачытмаз.
  • Уллу суу бла уллу ауруудан башынгы сакъла.
  • Аз айтсам, кёб ангылагъыз.
  • Ханнга да келеди хариблик.
  • Кёзюнде тереги болгъан, чёбю болгъаннга кюле эди.
  • Тойгъа алгъа да барма, тойда артха да къалма.
  • Сыфатында болмагъаны, суратында болмаз.
  • Къатын къылыкъсыз, эр тынчлыкъсыз.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии