Расширенный поиск
11 Мая 2025 года
Логин: Регистрация
Пароль: Забыли пароль?
Навигация
Словарь
  • Къарт болгъан джерде, берекет болур, сабий болгъан джерде, оюн болур.
  • Ёлген аслан – сау чычхан.
  • Узун джолну барсанг, бюгюн келирсе, къысха джолну барсанг, тамбла келирсе.
  • Эркишиге тары кебек танг кёрюнюр.
  • Айтхан сёзюне табылгъан.
  • Окъуусуз билим – джокъ, билимсиз кюнюнг – джокъ.
  • Ашхы тенг джолгъа салыр, аман тенг джолдан тайдырыр.
  • Танг атмайма десе да, кюн къоярыкъ тюйюлдю.
  • Сабий болмагъан джерде, мёлек болмаз.
  • Байны оноуу, джарлыгъа джарамаз.
  • Аман къатын алгъан, арыр, иги къатын алгъан джарыр.
  • Аман хансны – урлугъу кёб.
  • Итли къонакъ джарашмаз.
  • Кютгени беш эчки, сызгъыргъаны уа, джерни джарады.
  • Эл ауузу – элия.
  • Биреу ашаб къутулур, биреу джалаб тутулур.
  • Аууз сакълагъан – джан сакълар.
  • Термилгенинги табмазса, кюлгенинге тюберсе.
  • Бет бетге къараса, бет да джерге къарар.
  • Джюз элде джюз ёгюзюм болгъандан эсе, джюз джууугъум болсун.
  • Ат да турмайды бир териде.
  • Джыйырма къойну юч джыйырма эбзе кюте эди.
  • Къазанда болса, чолпугъа чыгъар.
  • Билим – акъылны чырагъы.
  • Таш ата билмеген, башына урур.
  • Шайтан алдады, тюзлюк къаргъады.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Джашны джигитлиги сорулур, къызны джигерлиги сорулур.
  • Чоюнну башы ачыкъ болса, итге уят керекди.
  • Тёрдеги кюлсе, эшикдеги ышарыр.
  • Къызын тута билмеген, тул этер, джашын тута билмеген, къул этер.
  • Азыгъы аз, алгъа къабар, аты аман, алгъа чабар.
  • Ариуну – ауруу кёб.
  • Эм ашхы къайын ана мамукъ бла башынгы тешер.
  • Башланнган иш битер, къымылдагъан тиш тюшер.
  • Кийим тукъум сордурур.
  • Арпа, будай – ащды, алтын, кюмюш а – ташды.
  • Ашда – бёрю, ишде – ёлю.
  • Босагъа таш юйге кирмей эди, тыбыр таш эшикге чыкъмай эди.
  • Сагъышы джокъ – джукъучу, акъылы джокъ – къаугъачы.
  • Ашда уялгъан – мухар, ишде уялгъан – хомух.
  • Рысхысына кёре, джаш ёсер, къышлыгъына кёре, мал ёсер.
  • Урама да – ёледи, сатама да – келеди.
  • Кёбге таш атма.
  • Шекер бла туз – бир болмаз, ушамагъан – юй болмаз.
  • Къар – келтирди, суу – элтди.
  • Зар адам ашынгы ашар, кесинги сатар.
  • Ачылгъан эт джабылыр, кёрген кёз унутмаз.
  • Джауумдан сора, кюн кюйдюрюр, ётюрюкден сора, айыб кюйдюрюр.
  • Эрни эр этерик да, къара джер этерик да, тиширыуду.

Видеогалерея

Новое

Последнее просмотренное

Популярное

Архив Радио КЧР

В аудиоразделе портала

Перейти

Последние комментарии