- Кюн кёрмеген, кюн кёрсе, кюндюз чыракъ джандырыр.
- Ётюрюкден тюбю джокъ, кёлтюрюрге джиби джокъ.
- Билим ат болуб да чабар, къуш болуб да учар.
- Тулпарлыкъ, билекден тюл – джюрекден.
- Нёгер болсанг, тенг бол, тенг болмасанг, кенг бол.
- Адамны артындан къара сабан сюрме.
- Халкъны юйю – туугъан джери.
- Эркишини аманы тиширыуну джылатыр.
- Адам сёзге тынгыла, акъыл сёзню ангыла.
- Накъырда – кертини келечиси.
- Ариу сёз – джаннга азыкъ, аман сёз – башха къазыкъ.
- Ата Джуртун танымагъан, атасын да танымаз.
- Айтылгъан буйрукъ, сёгюлмез
- Суу кетер, таш къалыр.
- Джырчы ёлсе, джыры къалыр.
- Чалманны аллы къалай башланса, арты да алай барады.
- Эр абынмай, эл танымаз.
- Тилсиз миллет джокъ болур.
- Телиге акъыл салгъандан эсе, ёлгеннге джан салырса.
- Кенгеш болса, уруш болмаз.
- Гитче джилтин уллу элни джандырыр.
- Ёгюзню мюйюзлери ауурлукъ этмейдиле.
- Ата – баланы уясы.
- Мадар болса, къадар болур.
- Ёлген аслан – сау чычхан.
- Къалгъан ишге къар джауар.
- Тилчиден кери бол.
- Тин – байлыгъынг, терен саулугъунг.
- Асхат ашлыкъ сата, юйдегиси ачдан къата.
- Ариу сёз джыланны орнундан чыгъарыр.
- Насыб бютеу халкъны юлюшюдю.
- Башынга джетмегенни сорма.
- Итли къонакъ джарашмаз.
- Кёб джат да, бек чаб.
- Ауругъан – джашаудан умутчу.
- Ашхылыкъ джерде джатмайды, аманлыкъ суугъа батмайды.
- Тура эдим джата, къайдан чыкъды хата?
- Къартны бурнун сюрт да, оноугъа тут.
- Ашаса, ашамаса да, бёрюню ауузу – къан.
- Джумушакъ терекни къурт ашар.
- Кёзюнде тереги болгъан, чёбю болгъаннга кюле эди.
- «Ма», - дегенни билмесенг, «бер», - дегенни билмезсе.
- Эл ауузу – элек, анга ийнаннган – халек.
- Къатыны харакетли болса, эри къымсыз болур.
- Ауузу аманнга «иги», деме.
- Адеб джокъда, намыс джокъ.
- Зар адамны насыбы болмаз.
- Мал кёб болса, джууукъ кёб болур.
- Къыйынлы джети элге оноу этер.
- Таякъ этден ётер, тил сюекден ётер.