Эльбрусоид :: Эльбрусоид :: Ночной Нальчик

Адамны сабийин сюйген джюреги, бычакъча, джитиди.
Ётюрюк хапар аякъ тюбю бла джюрюйдю.
Билмезни кёзю кёрмез, этмезни къулагъы эшитмез.
Къызын тута билмеген, тул этер, джашын тута билмеген, къул этер.
Къарнынг къанлынга кийирир.
Тёрде – темир таякълы, къаяда – чыпчыкъ аякълы.
Джаным-тиним – окъуу, билим.
Татлы тилде – сёз ариу, чемер къолда – иш ариу.
Ойнай билмеген, уруб къачар.
Иги – алгъыш этер, аман – къаргъыш этер.
Адеби болмагъан къыз – тузсуз хант.
Ашарыкъда сайлагъаннга – чий гырджын.
Айтхан сёзюне табылгъан.
Билим къая тешер.
Биреу къой излей, биреу той излей.
Тау башында, тау болмаз, джангыз терек, бау болмаз.
Тенгни тенглиги джашай барсанг билинир.
Къыйынлы джети элге оноу этер.
Кёбден умут этиб, аздан къуру къалма.
Чакъырылгъанны аты, чакъырылмагъанны багъасы болур.
Окъугъан озар, окъумагъан тозар.
Эркиши – от, тиширыу – суу.
Ариуну – ауруу кёб.
Элиб деген, элге болушур.
Къарнынг ауруса, ауузунгу тый
Насыблыны баласы кюн кюнден да баш болур, насыбсызны баласы, кюн кюнден да джаш болур.
Ач – эснер, ат – кишнер.
Ач отунчуну ачыуу – бурнунда.
Къолунгдан къуймакъ ашатсанг да, атаны борчундан къутулмазса.
Эри аманны, къатыны – аман.
Къаллай салам берсенг, аллай джууаб алырса.
Тойгъан джерден туугъан джер игиди.
Тешигини къатында, чычхан да батыр болур.
Алим болгъандан эсе, адам болгъан къыйынды.
Баланы адам этген анады.
Кёзню ачылгъаны – иги, ауузну джабылгъаны – иги.
Эрни эр этерик да, къара джер этерик да, тиширыуду.
Берекет берсин деген джерде, берекет болур.
Аякъларынгы джууургъанынга кёре узат.
Ишлемеген – тишлемез.
Баргъанынга кёре болур келгенинг.
Ишлегенде эринме, ишде чолакъ кёрюнме.
Сютден ауузу кюйген, суугъа юфгюре эди.
Урунуу – насыбны анасы.
Миллетни бойну – базыкъ, аны бла кюрешген – джазыкъ.
Эртде тургъан бла эртде юйленнген сокъуранмаз.
Аш хазыр болса, иш харам болур.
Бир онгсуз адам адет чыгъарды, деб эштирик тюлсе.
От этилмеген джерден тютюн чыкъмайды.
Эркишини аманы тиширыуну джылатыр.