- Ачыу алгъа келсе, акъыл артха къалады.
- Иги сёз – джаннга азыкъ, аман сёз башха – къазыкъ.
- Мухар, кеси тойса да, кёзю тоймаз.
- Адамны аты башхача, акъылы да башхады.
- Билимли ёлмез, билимсиз кёрмез.
- Юре билмеген ит, къонакъ келтирир.
- Элиб деген, элге болушур.
- Тау башында, тау болмаз, джангыз терек, бау болмаз.
- Орну джокъну – сыйы джокъ.
- Къуру гыбыт бек дыгъырдар.
- Ким бла джюрюсенг, аны кёзю бла кёрюнюрсе.
- Сакъламагъан затынга джолукъсанг, не бек къууанаса, не бек ачыйса.
- Джюрекге ариу – кёзге да ариу.
- Тёзгеннге, джабылгъан эшик ачылыр.
- Эринчекге кюн узун.
- Эл ауузу – элек, анга ийнаннган – халек.
- Ишленмеклик адамлыкъды.
- Чомартха Тейри да борчлуду.
- Ханнга да келеди хариблик.
- Кёкдеги болмаса, джердегин кёрмейди.
- Тилде сюек болмаса да, сюек сындырыр.
- Адамны джюреги нени кёрюрге сюйсе, кёзю да аны кёрюрге ёч болады.
- Малны кют, джерни тюрт.
- Ата – билек, ана – джюрек!
- Адеб джокъда, намыс джокъ.
- Босагъа таш юйге кирмей эди, тыбыр таш эшикге чыкъмай эди.
- Ана къойну – балагъа джандет.
- Таукелге нюр джауар.
- Къатыны харакетли болса, эри къымсыз болур.
- Тенги кёбню джау алмаз, акъылы кёбню дау алмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Акъыл сабырлыкъ берир.
- Уллу атлама – абынырса, уллу къабма – къарылырса.
- Алтыда кюлмеген, алтмышда кюлмез.
- Къолунгдан къуймакъ ашатсанг да, атаны борчундан къутулмазса.
- Ишленмеген джаш – джюгенсиз ат, ишленмеген къыз – тузсуз хант.
- Эм уллу байлыкъ – джан саулукъ.
- Айырылмаз джууугъунга, унутмаз сёзню айтма.
- Юй ишлеген балта эшикде къалыр.
- Юй кюйдю да, кюйюз чыкъды, ортасындан тюйюш чыкъды.
- Чакъырылмай келген къонакъ сыйланмай кетер.
- Ач – эснер, ат – кишнер.
- Эки къатын алгъанны къулагъы тынгнгаймаз.
- Дуния малгъа сатылма, кесингден телиге къатылма.
- Кёз – сюйген джерде, къол – ауругъан джерде.
- Ичимден чыкъды хата, къайры барайым сата?
- Сескекли кесин билдирир.
- Эртде тургъан джылкъычыны эркек аты тай табар.
- Тыш элде солтан болгъандан эсе, кесинги элде олтан болгъан игиди!
- Тамбла алтындан бюгюн багъыр ашхы.