- Къартны бурнун сюрт да, оноугъа тут.
- Къанны къан бла джуума, аманны аман бла къуума.
- Эки къатын алгъанны къулагъы тынгнгаймаз.
- Айранны сюйген, ийнек тутар.
- Чомартха Тейри да борчлуду.
- Ат басханны джер билед.
- Ата Джуртун танымагъан, атасын да танымаз.
- Билим ат болуб да чабар, къуш болуб да учар.
- Суугъа – таянма, джаугъа – ийнанма.
- Биреуге кёлтюрген таягъынг, кесинги башынга урур.
- Кесинге джетмегенни, кёб сёлешме.
- Эр сокъур болсун, къатын тилсиз болсун.
- Ашхы болсанг, атынг чыгъар, аман болсанг, джанынг чыгъар.
- Тамчы таш тешер.
- Босагъагъа джууукъ орун болса, ашыгъыб тёрге озма.
- Ачыкъ джюрекге джол – ачыкъ.
- Тил – миллетни джаны.
- Къралынгы – душмандан, башынгы от бла суудан сакъла.
- Къаллай салам берсенг, аллай джууаб алырса.
- Тойгъанлыкъ къойгъа джарашады.
- Къууут – джелге, берне – бошха.
- Байлыкъ келсе, акъыл кетер.
- Бир онгсуз адам адет чыгъарды, деб эштирик тюлсе.
- Джангызны оту джарыкъ джанмаз!
- Сёз сёзню айтдырыр.
- Келгинчи, къонакъ уялыр, келгенден сора, къонакъбай уялыр.
- Бастасын ашагъан, хантусун да ичер.
- Артына баргъанны, къатына барма.
- Гугук кесини атын айтыб къычыргъанча, мен, мен деб нек тураса?
- Кёпюр салгъан кеси ётер, уру къазгъан кеси кетер.
- Чабакъгъа акъыл, табагъа тюшсе келеди.
- Дуния аламаты сен эсенг да, игиме деб айтма.
- Илму – джашауну джолу.
- Ариу сёз джыланны орнундан чыгъарыр.
- Азыкълы ат арымаз, къатыны аман джарымаз.
- Тилде сюек болмаса да, сюек сындырыр.
- Адам къаллай бир ишленмесе, аллай бир кесин уллу кёреди.
- Эринчекни аурууу – кёб.
- Тёгюлген тюгел джыйылмайды.
- Ач уят къоймаз.
- Ойнай-ойнай кёз чыгъар.
- Чомарт къонакъ юй иесин сыйлар.
- Кютгени беш эчки, сызгъыргъаны уа, джерни джарады.
- Адебсиз адам – джюгенсиз ат.
- Зарда марда джокъ.
- Къызгъанчдан ычхыныр, мухардан ычхынмаз.
- Сакъламагъан затынга джолукъсанг, не бек къууанаса, не бек ачыйса.
- Суу кетер, таш къалыр.
- Кёб ант этген, кёб ётюрюк айтыр.
- Джолунга кёре – джюрюшюнг, джагъанга кёре – юлюшюнг.