- Адамны аманы адамны бети бла ойнар.
- Сакъалы текени да бар, мыйыгъы киштикни да бар.
- Ашха уста, юйюнде болсун
- Чакъырылмагъан къонакъ – орунсуз.
- Кийиминг бла танылма, адамлыкъ бла таныл.
- Чомартны къолу берекет.
- Юйюнг бла джау болгъандан эсе, элинг бла джау бол.
- Биреуге аманлыкъ этиб, кесинге игилик табмазса.
- Тойгъанлыкъ къойгъа джарашады.
- Кёб джашагъан – кёб билир.
- Кийимни бичсенг, кенг бич, тар этген къыйын тюлдю.
- Тынгылагъан тынгы бузар.
- Кюл тюбюндеги от кёрюнмейди.
- Иги болса, тамадама – махтау, аман болса, меннге – айыб.
- Ханы къызы буюгъа-буюгъа киштик болду.
- Термилгенинги табмазса, кюлгенинге тюберсе.
- Бети къызарыучу адамны, джюреги харам болмаз.
- Чомарт къонакъ юй иесин сыйлар.
- Биреуге аманлыкъны тилеме да, кесинге ашхылыкъны тиле.
- Аууздан келген, къолдан келсе, ким да патчах болур эди.
- Aдам боллукъ, сыфатындан белгили.
- Акъыллы – эл иеси, тели – эл баласы.
- Чабакъгъа акъыл, табагъа тюшсе келеди.
- Биреуню эскиси биреуге джангы болмайды.
- Юре билмеген ит, къонакъ келтирир.
- Къарыусузгъа кюлме, онгсузгъа тийме.
- Керек ташны ауурлугъу джокъ.
- Ёксюзню тилеги къабыл болур.
- Татлы сёз – балдан татлы.
- Босагъагъа джууукъ орун болса, ашыгъыб тёрге озма.
- Башланнган иш битер, къымылдагъан тиш тюшер.
- Джыйырма къойну юч джыйырма эбзе кюте эди.
- Урунуу – насыбны анасы.
- Чарсда алчыны эл кёреди.
- Сабийликде юретмесенг, уллу болса – тюзелмез.
- Ариу сёзде ауруу джокъ.
- Аш иеси бла татлыды.
- Эшекни не къадар тюйсенг да, ат болмаз.
- Джол бла сёзню къыйыры джокъ.
- Юй ишлеген балта эшикде къалыр.
- Мал ёлсе, сюек къалыр, адам ёлсе, иши къалыр.
- Джашда акъыл джокъ, къартда къарыу джокъ.
- Ашхы тенг джолгъа салыр, аман тенг джолдан тайдырыр.
- Таукел къуру къалмаз.
- Джырчы ёлсе, джыры къалыр.
- Джаз бир кюнню джатсанг, къыш талай кюнню абынырса.
- Ачыкъ джюрекге джол – ачыкъ.
- Ашлыкъ – бюртюкден, джюн – тюкден.
- Джарлы эскисин джамаса, къууаныр.
- Аманнга игилик этсенг, юйюнге сау бармазса.