Эльбрусоид :: Эльбрусоид :: Ночной Нальчик

Ана къолу ачытмаз.
Къозулугъунда тоймагъан, къойлугъунда тоймаз.
Чабакъгъа акъыл, табагъа тюшсе келеди.
Тойгъандан сора, ашны сёкме.
Аууздан келген, къолдан келсе, ким да патчах болур эди.
Элни кючю – эмеген.
Иесиз малны бёрю ашар.
Къазанчы аман болса, къазаны къайнамаз.
Халкъгъа джарагъан, джарлы къалмаз.
Намыс болмагъан джерде, насыб болмаз.
Ашарыкъда сайлагъаннга – чий гырджын.
Къарт болгъан джерде, берекет болур, сабий болгъан джерде, оюн болур.
Акъдан къара болмаз.
Суу кетер, таш къалыр.
Аллахха ийнаннган кишини, Аллах онгдурур ишин.
Экиндини кеч къылсанг, чабыб джетер ашхам.
Ариу сёз джыланны орнундан чыгъарыр.
Иши джокъну, сыйы джокъ.
Къая джолда джортма, ачыкъ сёзден къоркъма.
Нафысынгы айтханын этме, намысынгы айтханын эт.
Ёзденликни джайгъан – джокълукъ.
Къарнынг къанлынга кийирир.
Эркиши – от, тиширыу – суу.
Адам сёзюнден белгили.
Иги сеники эсе да, сюйген кесимикин этеме.
Окъумагъан сокъурду, сокъур ташха абыныр!
Къазанны башы ачыкъ болса, итге уят керекди.
Эрине къаргъыш этген къатын, эрнин къабар.
Сакъламагъан затынга джолукъсанг, не бек къууанаса, не бек ачыйса.
Къонагъынгы артмагъын алма да, алгъышын ал.
Бозаны арты дауур болур.
Экеу тутушса, биреу джыгъылыр.
Адам боллукъ, атламындан белгили болур.
Башсыз урчукъ тюзюне айланмаз.
Джети тилни билген джети кишиди.
Ауузу бла къуш тута айланады.
Адам бла мюлк юлешмеген эсенг, ол адамны билиб бошагъанма, деб кесинги алдама.
Тамырсыз терекге таянма – джыгъылырса.
Адебсиз адам – джюгенсиз ат.
Кёл – къызбай, къол – батыр.
Джаш болсун, къыз болсун, акъылы, саны тюз болсун.
Тулпарлыкъ, билекден тюл – джюрекден.
Байлыкъ тауусулур, билим тауусулмаз.
Къыйынлы джети элге оноу этер.
Акъыл аздырмаз, билим тоздурмаз.
Къазанда болса, чолпугъа чыгъар.
Тил – миллетни джаны.
Ашыкъгъан cуу, тенгизге джетмез.
Баланы адам этген анады.
Босагъа таш юйге кирмей эди, тыбыр таш эшикге чыкъмай эди.