- Къонакъ хазыр болгъанлыкъгъа, къонакъбай хазыр тюлдю.
- Халкъгъа джарагъан, джарлы къалмаз.
- Экиндини кеч къылсанг, чабыб джетер ашхам.
- Айырылгъанланы айю ашар, бёлюннгенлени бёрю ашар.
- Адамны бетине къарама, адетине къара.
- Кюн – узун, ёмюр – къысха.
- Ауругъан – джашаудан умутчу.
- Джылкъыдан – ат чыгъар, тукъумдан – джаш чыгъар.
- Акъыл къартда, джашда тюйюлдю – башдады.
- Башынга джетмегенни сорма.
- Чалманны аллы къалай башланса, арты да алай барады.
- Тиширыусуз юй – отсуз от джагъа.
- Аман адам элни бир-бирине джау этер.
- Сёз – кюмюш, джыр – алтын.
- Джарлы тюеге минсе да, ит къабар.
- Къошда джокъгъа – юлюш джокъ.
- Ач уят къоймаз.
- Ичимден чыкъды хата, къайры барайым сата?
- Ашхы атаны – джашы ашхы, ашхы ананы – къызы ашхы.
- Тёзгеннге, джабылгъан эшик ачылыр.
- Аманны эки битли тону болур, бирин сеннге кийдирир, бирин кеси киер.
- Тюкюрюк баш джармаз, налат кёз чыгъармаз!
- Келинни – келгинчи, бёркню кийгинчи кёр.
- Ёлген аслан – сау чычхан.
- Терек ауса, отунчу – кёб.
- Кюлме джашха – келир башха.
- Арба аугъандан сора, джол кёргюзтюучю кёб болур.
- Къарын къуру болса, джюрек уру болур.
- Ач къарынны, токъ билмез
- Къызгъанчдан ычхыныр, мухардан ычхынмаз.
- Кёб джашагъан – кёб билир.
- Адам туугъан джеринде, ит тойгъан джеринде.
- Чомарт джарлы болмаз.
- Агъач халкъгъа алтынды, иссиликге салкъынды.
- Ач келгенни – тойдур, кеч келгенни – къондур.
- Адеб джокъда, намыс джокъ.
- Кёкдеги болмаса, джердегин кёрмейди.
- Билеги кючлю, бирни джыгъар, билими кючлю, мингни джыгъар.
- Ауругъаннга – кийик саулукъ, джетген къызгъа – чилле джаулукъ.
- Иши джокъну, сыйы джокъ.
- Чыкълы кюнде чыкъмагъан, чыкъса къуру кирмеген.
- Кёб ант этген, кёб ётюрюк айтыр.
- Олтуруб кёрюнмей эди да, ёрге туруб кёрюне эди.
- Къанны къан бла джуума, аманны аман бла къуума.
- Кюл тюбюндеги от кёрюнмейди.
- Окъугъан – асыу, окъумагъан – джарсыу.
- Башда акъыл болмаса, эки аякъгъа кюч джетер.
- Намысы болмагъанны, сыйы болмаз.
- Тамырсыз терекге таянма – джыгъылырса.
- Терслик кетер, тюзлюк джетер.