Эльбрусоид :: Эльбрусоид :: Ночной Нальчик

Башсыз урчукъ тюзюне айланмаз.
Сыфатында болмагъаны, суратында болмаз.
Эр сокъур болсун, къатын тилсиз болсун.
Ауурну тюбю бла, дженгилни башы бла джюрюген.
Джангыз терек къынгыр ёсер.
Чыкълы кюнде чыкъмагъан, чыкъса къуру кирмеген.
Онгсузну – джакъла, тенгликни – сакъла.
Эки къатын алгъан – эки ташны ортасына башын салгъан.
Элге къуллукъ этмеген, элге ие болмаз.
Къартны бурнун сюрт да, оноугъа тут.
Шекер бла туз – бир болмаз, ушамагъан – юй болмаз.
Этек чакъмакълары баш джаргъан, сёлешген сёзлери таш джаргъан.
Аманнга алтын чыдамаз.
Ат басханны джер билед.
Ауругъаннга – кийик саулукъ, джетген къызгъа – чилле джаулукъ.
Аджашханны ызындагъы кёреди, джангылгъанны джанындагъы биледи.
Окъдан джара эртде-кеч болса да бителир, сёз джара, ёмюрге къалыр.
Ётюрюкчюню шагъаты – къатында.
Ойнай билмеген, оюн бузар.
Къууут – джелге, берне – бошха.
Кимни – тили, тиши онглу, кимни – къолу, иши онглу.
Джан саулукъ бермей, сан саулукъ бермезсе.
Ачлыкъда тары гырджын халыуадан татлы.
Сибиртки да сыйлы болду, кюрек да кюнлю болду.
Соргъан айыб тюлдю, билмеген айыбды.
Билмегенинги, билгеннге сор.
Кесинг сынамагъан затны, адамгъа буюрма.
Ургъан суудан башынгы сакъла.
Кёзден кетген, кёлден да кетеди.
Юйлю уругъа ит чабмаз.
Билим къая тешер.
Аууз сакълагъан – джан сакълар.
Сескекли кесин билдирир.
Кёб къычыргъандан – къоркъма, тынч олтургъандан – къоркъ.
Адам сёзге тынгыла, акъыл сёзню ангыла.
Узун джолну барсанг, бюгюн келирсе, къысха джолну барсанг, тамбла келирсе.
Баланы адам этген анады.
Акъыл аздырмаз, билим тоздурмаз.
Уясында не кёрсе, учханында аны этер.
Чомартны къолу берекет.
Телиге акъыл салгъандан эсе, ёлгеннге джан салырса.
«Ёгюз, джаргъа джууукъ барма, меннге джюк боллукъса», - дегенди эшек.
Къонагъы джокъну – шоху джокъ.
Экеулен сёлеше тура эселе, орталарына барыб кирме.
Ёзденликни джайгъан – джокълукъ.
Къан бла кирген, джан бла чыгъар.
Кесине гебен этелмеген, биреуге черен эте эди.
Адам боллукъ, атламындан белгили болур.
Сормай – алма, чакъырылмай – барма.
Таукелге нюр джауар.