Эльбрусоид :: Эльбрусоид :: Ночной Нальчик

Ойнаб айтсанг да, эслеб айт.
Ишлегенде эринме, ишде чолакъ кёрюнме.
Ашхылыкъ джерде джатмайды, аманлыкъ суугъа батмайды.
Бастасын ашагъан, хантусун да ичер.
Ата – баланы уясы.
Тенги кёбню джау алмаз, акъылы кёбню дау алмаз.
Кийиминг бла танылма, адамлыкъ бла таныл.
Мухар, кеси тойса да, кёзю тоймаз.
Джиби бир къат джетмей эди да, эки къат тарта эди.
Тёгюлген тюгел джыйылмайды.
Адеб базарда сатылмаз.
Ариу джол аджал келтирмез.
Айырылгъанланы айю ашар, бёлюннгенлени бёрю ашар.
Тил – миллетни джаны.
Къалгъан ишге къар джауар.
Билимли ёлмез, билимсиз кёрмез.
Акъыллы башны – тили къысха.
Аш иеси бла татлыды.
Билим къая тешер.
Арба аугъандан сора, джол кёргюзтюучю кёб болур.
Аман адам этегингден тутса, кес да къач.
Кенгеш болса, уруш болмаз.
Ауругъанны сау билмез, ач къарынны токъ билмез.
Джукъу тёшек сайламайды.
Садакъачыны джаны – къапчыгъында.
Аз сёлеш, кёб ишле.
Сормай – алма, чакъырылмай – барма.
Биреуге аманлыкъны тилеме да, кесинге ашхылыкъны тиле.
Тешигини къатында, чычхан да батыр болур.
Джерни букъусу кёкге къонмаз.
Бир онгсуз адам адет чыгъарды, деб эштирик тюлсе.
Ариуну – ауруу кёб.
Узун джолну барсанг, бюгюн келирсе, къысха джолну барсанг, тамбла келирсе.
Джаралыны джастыгъында сау ёлюр.
Дуния мал дунияда къалады.
Акъыллы – эл иеси, тели – эл баласы.
Намысы болмагъанны, сыйы болмаз.
Чакъырылмагъан джерге барма, чакъырылгъан джерден къалма.
Эринчекге кюн узун.
Тамчы таш тешер.
Илму – джашауну джолу.
Къазанны башы ачыкъ болса, итге уят керекди.
Джумушакъ сёз къаты таякъны сындырыр.
Башы ишлегенни, ауузу да ишлер.
Адам туугъан джеринде, ит тойгъан джеринде.
Эм уллу байлыкъ – джан саулукъ.
Мал тутхан – май джалар.
Ана къойну – балагъа джандет.
Чабакъсыз кёлге къармакъ салгъанлыкъгъа, чабакъ тутмазса.
Сангырау къулакъ эл бузар.