- Тёрде – темир таякълы, къаяда – чыпчыкъ аякълы.
- Кесине оноу эте билмеген, халкъына да эте билмез.
- Къызны минг тилер, бир алыр.
- Ётюрюкню башын керти кесер.
- Акъыл сабырлыкъ берир.
- Ата – билек, ана – джюрек!
- Иесиз малны бёрю ашар.
- Адеб джокъда, намыс джокъ.
- Кийиминг бла танылма, адамлыкъ бла таныл.
- Келинни – келгинчи, бёркню кийгинчи кёр.
- Хар зат кесини орнуна иги.
- Юре билмеген ит, къонакъ келтирир.
- Аман эсирсе, юйюн ояр.
- Ашыкъгъан cуу, тенгизге джетмез.
- Джарлы джети элни сёзюн этер.
- Къартны бурнун сюрт да, оноугъа тут.
- Бал чибинни ургъаны – ачы, балы – татлы.
- Джаш болсун, къыз болсун, акъылы, саны тюз болсун.
- Адамны аты башхача, акъылы да башхады.
- Аш кетер да бет къалыр.
- Ариу сёз – къылычдан джити.
- Иги джашны ышаны – аз сёлешиб, кёб тынгылар.
- Ашха уста, юйюнде болсун
- Джаз бир кюнню джатсанг, къыш талай кюнню абынырса.
- Кирсизни – саны таза, халалны – къаны таза.
- Узун джолну барсанг, бюгюн келирсе, къысха джолну барсанг, тамбла келирсе.
- Игилик игилик бла сингдирилиучю затды.
- Намыс сатылыб алынмайды.
- Джашынгы кесинг юретмесенг, джашау юретир.
- Ач уят къоймаз.
- Ашатыргъа иш – ашхы, ишлетирге аш – ашхы.
- Эртде тургъан бла эртде юйленнген сокъуранмаз.
- Къарнынг тойгъунчу аша да, белинг талгъынчы ишле.
- Ач отунчуну ачыуу – бурнунда.
- Бозанг болмагъан джерге, къалагъынгы сукъма.
- Ариу сёз джыланны орнундан чыгъарыр.
- Ёзденликни джайгъан – джокълукъ.
- Къыйынлы джети элни къайгъысын этер.
- Рысхы – насыбха къор.
- Къарнынг къанлынга кийирир.
- Акъыл къартда, джашда тюйюлдю – башдады.
- Тойчу джашха къарама, къойчу джашха къара.
- Къарт айтханны этмеген, къартаймаз.
- Aдам боллукъ, сыфатындан белгили.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Айраннга суу къош, телиге джол бош.
- Тенги кёбню джау алмаз, акъылы кёбню дау алмаз.
- Аманны эки битли тону болур, бирин сеннге кийдирир, бирин кеси киер.
- Ишленмеген джаш – джюгенсиз ат, ишленмеген къыз – тузсуз хант.
- Ишни аллы бла къууанма да, арты бла къууан.
Ночной Нальчик
29.02.2012
