Эльбрусоид :: Эльбрусоид :: Ночной Нальчик

Къарт болгъан джерде, берекет болур, сабий болгъан джерде, оюн болур.
Бети – къучакълар, джюреги – бычакълар.
Ата Джуртча джер болмаз, туугъан элча эл болмаз.
Тели турса – той бузар.
Тил джюрекге джол ишлейди.
Джолда аягъынга сакъ бол, ушакъда тилинге сакъ бол.
Мураты болгъанны джюрек тебюую башхады.
Ишлегенден, къарагъан уста.
Тил бла келеди джыр да.
Тилчиден кери бол.
Тюзлюк шохлукъну бегитир.
Тулпарлыкъ, билекден тюл – джюрекден.
Намыс болмагъан джерде, насыб болмаз.
Окъумагъан сокъурду, сокъур ташха абыныр!
Ашатыргъа иш – ашхы, ишлетирге аш – ашхы.
Къулакъдан эсе, кёзге ышан.
Зарда марда джокъ.
Кёб ант этген, кёб ётюрюк айтыр.
Аджалсыз ёлюм болмаз.
Бичгенде ашыкъма, тикгенде ашыкъ.
Адамны аманы адамны бети бла ойнар.
Окъугъан – асыу, окъумагъан – джарсыу.
Джолунга кёре – джюрюшюнг, джагъанга кёре – юлюшюнг.
Кёзден кетген, кёлден да кетеди.
Джырчы джырчыгъа – къарнаш.
Арбаз сайлама да, хоншу сайла.
Аджашханны ызындагъы кёреди, джангылгъанны джанындагъы биледи.
Ёлмесенг да, къарт дамы болмазса?
Ауурну тюбю бла, дженгилни башы бла джюрюген.
Адамны сыфатына къарама, сёзюне къара.
Аууз сакълагъан – джан сакълар.
Башланнган иш битер, къымылдагъан тиш тюшер.
Джангыз торгъай джырламаз.
Элге къуллукъ этмеген, элге ие болмаз.
Къызны минг тилер, бир алыр.
Аман адамны тепсинге олтуртсанг, къызынгы тилер.
Уллу къашыкъ эрин джыртар.
Аш кетер да бет къалыр.
Къатын байлыкъны сюер, эр саулукъну сюер.
Эм ашхы къайын ана мамукъ бла башынгы тешер.
Ачны эсинде – аш.
Аман хансны – урлугъу кёб.
Нарт сёз къарт болмаз.
Байны оноуу, джарлыгъа джарамаз.
Тойну къарнашы – харс, джырны къарнашы – эжиу.
Джеринден айырылгъан – джети джылар, джуртундан айырылгъан – ёлгюнчю джылар.
Айныгъанлы алты кюн, тогъайгъанлы тогъуз кюн.
Адамны джюреги нени кёрюрге сюйсе, кёзю да аны кёрюрге ёч болады.
Этек чакъмакълары баш джаргъан, сёлешген сёзлери таш джаргъан.
Къая джолда джортма, ачыкъ сёзден къоркъма.