- Джарлы джети элни сёзюн этер.
- Биреуге кёлтюрген таягъынг, кесинги башынга урур.
- Байлыкъ адамны сокъур этер.
- Къыз келсе, джумуш эте келеди, къатын келсе, ушакъ эте келеди.
- Эки къатын алгъанны къулагъы тынгнгаймаз.
- Ашыкъгъан cуу, тенгизге джетмез.
- Тойгъандан сора, ашны сёкме.
- Ана кёлю – балада, бала кёлю – талада.
- Сютню башын джалагъан къутулур, тюбюн ичген тутулур.
- Бал ашаргъа сюе эсенг, чибин ургъаннга тёз.
- Юйюнгден чыкъдынг – кюнюнгден чыкъдынг.
- Къан бла кирген, джан бла чыгъар.
- Эшекге миннген – биринчи айыб, андан джыгъылгъан – экинчи айыб.
- Бир онгсуз адам адет чыгъарды, деб эштирик тюлсе.
- Хар адамгъа кеси миннген тау кибик.
- Асхат ашлыкъ сата, юйдегиси ачдан къата.
- Ата – баланы уясы.
- Аллахдан тилесенг, кёб тиле.
- Ауругъанны сау билмез, ач къарынны токъ билмез.
- Эллинг бла джау болсанг да, юйюнг бла джау болма.
- Сагъыш – къартлыкъгъа сюйюмчю.
- Ач – эснер, ат – кишнер.
- Сабыр джетер муратха, сабырсыз къалыр уятха.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Сёз – кюмюш, джыр – алтын.
- Къралынгы – душмандан, башынгы от бла суудан сакъла.
- Ана къолу ачытмаз.
- Аманны къуугъан, аманлыкъ табар.
- Чыкълы кюнде чыкъмагъан, чыкъса къуру кирмеген.
- Чакъырылмагъан къонакъ тёрге атламаз.
- Сангырау къулакъ эл бузар.
- Накъырданы арты керти болур.
- Сабийни джумушха джибер да, ызындан бар.
- Кирсизни – саны таза, халалны – къаны таза.
- Сёз къанатсыз учар.
- Кёбге таш атма.
- Ёлген ийнек сютлю болур.
- Сагъышы джокъ – джукъучу, акъылы джокъ – къаугъачы.
- Аджашхан тёгерек айланыр.
- Этим кетсе да, сюегим къалыр.
- Кенгеш болса, уруш болмаз.
- Берекет берсин деген джерде, берекет болур.
- Мал тутхан – май джалар.
- Сабийликде юретмесенг, уллу болса – тюзелмез.
- Билим къая тешер.
- Къонакъ хазыр болгъанлыкъгъа, къонакъбай хазыр тюлдю.
- Ишлегенден, къарагъан уста.
- Билмезни кёзю кёрмез, этмезни къулагъы эшитмез.
- Акъыллы башны – тили къысха.
- Эринчекге кюн узун.